Kryemadhi thumbon Ramën:
Të marrim seriozisht këto foto

Kryeministri Edi Rama, në një intervistë një natë më parë, u shpreh se sulmet e përfaqësuesve të LSI në adresë të mazhorancës, nuk duhen marrë seriozisht pasi ka nisur fushata elektorale. 

“Monika ka filluar fushatën. Mos e merrni  shumë seriozisht ato që thotë ajo, tani, për këtë problem (mbylljen e vendeve të punës)”.

Ndërkohë nuk ka vonuar përgjigjja e deputetes së LSI. Monika Kryemadhi ka nxjerrë sot disa foto të disa bizneseve të mbyllura, shiten apo jepen me qira.


(Fotot e publikuara nga Monika Kryemadhi)

“Po tani?! Këtë merreni SERIOZISHT!”, shkruan Kryemadhi.

Një ditë me parë nga Elbasani, Kryemadhi u shpreh: “Çdo ditë e kudo që shkoj, kudo takoj njerëz, shikoj lodhje nga kjo situatë në të cilën ndodhemi të gjithë. Njerëzit kanë nevojë për stabilitet politik, për qëndrueshmëri e siguri, kanë nevojë për vende të reja pune, për vende pune me standarde e të mirëpaguara dhe jo të ndihen në çdo moment të rrezikuar se do e humbasin edhe atë punë që kanë.

Nëse konflikti politik do të vazhdojë ne nuk do t’i hapim ato 300 mijë vende pune, por, përkundrazi, do humbasim 300 mijë të tjera!”.

[gallery]21882[/gallery]

Redaksia Online
l.q/Shqiptarja.com