Kryemadhi uron Biden dhe Harris për fitoren në zgjedhjet amerikane: SHBA-të janë partnerë strategjikë të Shqipërisë

Pasi Kongresi Amerikan ka certifikuar demokratin Joe Biden si President të 46 të SHBA-së, ka reaguar kryetarja e LSI Monika Kryemadhi e cila ka uruar Biden dhe Kamala Harris për fitoren, ndërsa ka thënë se SHBA-të janë aleatë, partnerë strategjikë të Shqipërisë.

“LSI qëndron dhe mbështet një mjedis kombëtar dhe rajonal që qeveriset nga shteti i së drejtës, zgjedhjet e lira dhe të ndershme, nga pavarësia dhe profesionalizmi i sistemit të drejtësisë, një ekonomi e tregut të lirë dhe nga një sistem arsimor solid. Në emër të LSI kam kënaqësinë të uroj Presidentin e Zgjedhur të SHBA zotin Joe Biden për fitoren e tij dhe Zëvendës Presidenten e Zgjedhur, zonjën Kamala Harris për zgjedhjen e saj, si një arritje historike për gratë në Amerikë dhe një shembull i shkëlqyer për gratë nëpër botë.

LSI qëndron dhe mbështet një mjedis kombëtar dhe rajonal që qeveriset nga shteti i së drejtës, zgjedhjet e lira dhe të ndershme, nga pavarësia dhe profesionalizmi i sistemit të drejtësisë, një ekonomi e tregut të lirë dhe nga një sistem arsimor solid. Shtetet e Bashkuara të Amerikës janë aleati dhe partneri strategjik i Shqipërisë dhe unë pres të punojmë së bashku me Administratën e re për të afruar vendet tona e për realizimin e synimeve të përbashkëta”, thotë Kryemadhi.

LEXO EDHE:
Rusia veto ndaj rezolutës së SHBA për armët bërthamore

Lajmi kryesor:

Kongresi certifikon Joe Biden, Trump rrezikon shkarkimin! Ç'ndodhi dje në Uashington, pamjet që shokuan botën

TAG:
• SHBA
• donald trump
• kongresi amerikan
• zgjedhjet presidenciale
• Joe Biden
• dhuna ne kongresin amerikan