Kryeministri australian i jep 5
dollarë lypësit, lumë kritikash

Kryeministri australian, Malcolm Turnbull i ka dhënë 5 dollar një lypësi ndërsa po shkonte për të mbajtur fjalim në një formum ekonomik në Melbubrn. Ky akt njerëzor i admirueshëm, është konceptuar ndryshe për faktin se Turnbull njihet për pasurinë e tij të madhe.
 
Kritikat kryesisht janë lidhur me kopracinë e kryeministrit, por nuk kanë munguar edhe ato që e shikojnë një veprim të tillë si nxitës të zakoneve të këqija.
 
Kritikët shprehen se nëse qeveritari dëshiron të ndihmojë këtë shtresë të shoqërisë duhet të bëjë bamirësi nëpërmjet kanaleve zyrtare. Për shumë të tjerë ky gjest është parë thjeshtë si shfaqje para kamerave.

Ndërkohë që ka edhe një grup njerëzish që e kanë parë pozitivisht veprimin e kryeministrit pasi sipas tyre ai pavarësisht shumës, ofroi diçka, gjë që shumë të tjerë nuk e bëjnë.