Varianti i ri i koronavirusit, Omicron po përhapet “me shpejtësi rrufeje” në Evropë dhe me gjasë do të bëhet variant dominues në Francë në fillim të vitit të ardhshëm, paralajmëroi kryeministri francez, Jean Castex.
Këto komente ai i bëri më 17 dhjetor, disa orë para se Franca të vendoste kufizime të ashpra të udhëtimeve për pasagjerët që vijnë nga Mbretëria e Bashkuar.
Mbretëria e Bashkuar deri më tani është shteti i goditur më së keqi dhe më 17 dhjetor regjistroi pothuajse 15,000 raste me variantin Omicron.
Në mbarë Evropën, zyrtarët shëndetësorë po përgatiten për një valë të re infeksionesh.
Edhe Gjermania, Irlanda dhe Holanda po ashtu kanë njoftuar se do të ashpërsojnë masat për shkak të Omicronit.
Sipas të dhënave të Bashkimit Evropian, Evropa tashmë ka regjistruar mbi 89 milionë raste me koronavirus dhe 1.5 milion vdekje.
Franca mbylli kufijtë për udhëtarët nga Mbretëria e Bashkuar, si për biznese po ashtu edhe për turizëm.
Duke folur vetëm disa orë para hyrjes në fuqi të kësaj mase, kryeministri francez, Castex tha se këto kufizime të udhëtimeve janë pjesë e një sërë masash që kanë për qëllim të frenojnë përhapjen e koronavirusit.
Franca mëton që të kërkojë edhe dozën e tretë të vaksinës, në mënyrë që qytetarët të mund të shkojnë në restorante dhe po ashtu distanca fizike do të jetë kusht për të përdorur transportin publik.
Castex tha po ashtu se Qeveria franceze do të njoftojë për masa të reja vitin e ardhshëm që kanë për qëllim të luftojnë hezitimin e marrjes së vaksinave. Sipas tij, është “e papranueshme që disa milionë francezë të refuzojnë të vaksinohen dhe të vënë në rrezik jetën e gjithë qytetarëve”./REL
Lajme të tjera
-
Emmanuel Macron dëshiron të kalojë në futboll, kandidat në zgjedhjet e ardhshme të FIFA-s?
25 Dhjetor, 13:51 -
U shkrumbua nga zjarri i 2019/ 'Notre-Dame de Paris' pret meshën e parë të Krishtlindjeve
25 Dhjetor, 12:48 -
Kryeministri i ri francez: Do bëj të pamundurën të bashkoj vendin
24 Dhjetor, 15:31
-
Panik në Paris, zjarr në ashensorin e Kullës Eifel, evakuohen 1200 veta
24 Dhjetor, 12:59 -
Francë/ Formohet qeveria Bayrou, mes ministrave ish-kryeministrat Valls dhe Borne
23 Dhjetor, 19:21 -
Kryeministri François Bayrou pritet të emërojë qeverinë e re të Francës
23 Dhjetor, 11:39 -
Ilir Yzeiri: Topikat e trishta të hapësirës publike
20 Dhjetor, 13:28
-
Kryeministri i ri francez: Nëse nuk kemi një qeveri deri në Krishtlindje, do të jemi në greminë
20 Dhjetor, 12:04 -
Francë/ Ish-presidenti Sarkozi dënohet për korrupsion, në 'arrest shtëpie' me një byzylyk elektronik
18 Dhjetor, 16:46 -
Kryeministri francez Francois Bayrou nis punën mes një sërë sfidash
16 Dhjetor, 21:44 -
Cikloni apokaliptik Chido në Mayotte, viktimat mund të jenë me mijëra, 1,7 mln njerëz në rrezik
16 Dhjetor, 10:38 -
Cikloni Chido shkakton katastrofë në Francë, autoritetet: Qindra, ndoshta mijëra viktima!
15 Dhjetor, 21:44
