Bullgaria e cila mban presidencën e radhës në Bashkimin Evropian, propozon që Shqipërisë t’i hapen negociatat, por me kusht, në mënyrë që të reflektohet edhe shqetësimi i 3 vendeve skeptike. Deklarata u bë nga kryeministri i Bullgarisë Boyko Borissov, i cili u takua me kreun e qeverisë shqiptare, Edi Rama.
Kemi akoma dy tre shtete që janë ende skeptike me Shqipërinë, por shumica e vendeve të BE-së mendojnë, që edhe pse me kusht, Shqipëri duhet t’i jepet një datë dhe një rrugë për hapjen e negociatave. Duhen përpjekje të mëdha për të bindur deri në qershor vendet e tjera.
Boyko Borissov Kryeministër i Bullgarisë
Por kreu i qeverisë bullgare bëri edhe një tjetër propozim surprizë, që nuk mundi të shtjellohej më tej, sepse të dy kryeministrat nuk pranuan pyetje nga gazetarët vendas apo të huaj.
Në Shqipëri të bëhet një qendër koordinimi për të gjithë luftëtarët që kthehen nga ISIS në territorin e Ballkanit. Propozova që çdo njëri prej shteteve që merr pjesë, të dërgojmë një oficer për ndërlidhje që të krijojmë një shtab më të organizuar për luftën e përbashkët.
Boyko Borissov Kryeministër i Bullgarisë
Borissov shkoi edhe më tej, kur kërkoi që të maten forcat ushtarake mes vendeve, duke sfiduar kështu Turqinë.
Gjithmonë shqetësohem kur dëgjoj që ushtria turke zhvillon stërvitje pranë kufirit të Kosovës, kur ka grumbullim të ushtarakëve, kur flitet për manovra. Në këtë drejtim, ne po kështu do të zhvillojmë stërvitje të përbashkëta, të forcave tona me veprime të posaçme. Gjatë muajve e viteve të ardhshme të punojmë akoma më mirë.
Boyko Borissov Kryeministër i Bullgarisë
Ndërkohë kryeministri Rama përmendi se dy vendet kanë marrëdhënie të mira, të rikonfirmuara në disa raste.
Marrëdhënia jonë me Bullgarinë është jashtëzakonisht pozitive. Na u dha mundësia ta shprehim këtë cilësi të marrëdhënies me rastin e kalimit në parlament të ligjit për pakicat kombëtare. Bullgaria do të marrë në patronazh disa fshatra në kuadër të “100 fshatrave” për të përmirësuar infrastrukturën dhe jetën sociale në to.
Edi Rama
Kryeministri bullgar ishte në Tiranë në kuadër të forumit ndërkombëtar Aqaba Meetings, ku u diskutua mbrojtja nga terrorizmi dhe ekstremizmi i dhunshëm.
O sybeja Po populli q ska buk le t punoj e jo t rrin kafeneve rrugve e t mbjellin ashash maleve ne jemi popull dembel e na i ka fajen kryeminstri tani ..ike moj o sybe puno
PërgjigjuPopulli ska buke per te ngrene ky trapi na cau TRAPIN me negociatat
PërgjigjuDy rruge ka Europa o te pranoje Shqiperine ose te perballet me Rusine.
Përgjigju