Kryeministri i Kroacisë takon Zelenskyn, Plenkoviç: Kroacia e di se si është të jesh nën agresion ushtarak

Kryeministri i Kroacisë, Andrej Plenkoviç ka vizituar Kievin këtë të dielë ku ka zhvilluar një takim me presidentin ukrainas Volodymyr Zelensky.

Kryeministri shoqërohet nga ministri i Punëve të Jashtme dhe Evropiane, Gordan Grliç Radman dhe Zvonimir Frka-Peteshic, shef i kabinetit të kryeministrit.

“Kroacia e di se si është të jesh nën agresion ushtarak dhe vazhdon të ofrojë mbështetje politike, diplomatike, financiare, humanitare, teknike dhe çdo mbështetje tjetër të mundshme për Ukrainën, si dhe ndihmë për t’u kujdesur për refugjatët ukrainas”, është shprehur Plenkoviç.

Vizita e kryeministrit në Ukrainë po zhvillohet në prag të Ditës së Evropës dhe është një shprehje solidariteti dhe mbështetjeje për autoritetet ukrainase dhe popullin mik ukrainas, të cilët janë viktima të agresionit brutal rus.

Lajmi kryesor:

Lufta/ Takimi i G7: Do të vazhdojmë sanksionet! Të paktën 60 të vdekur pas sulmit në një shkollë në Luhansk! Zonja e parë e SHBA vizitë të fshehtë në Ukrainë, takim me gruan e Zelenskyt

E.K/Shqiptarja.com

TAG:
• rusia sulmon ukrainen
• Rusi
• ukraine