Kryeministri Italian Mario Draghi vizitë në Shtëpinë e Bardhë, Biden: Je një mik dhe aleat i madh për ne, Draghi: Jemi të bashkuar në dënimin e luftës në Ukrainë

Kryeministri italian Mario Draghi me presidentin amerikan Joe Biden në Zyrën Ovale të Shtëpisë së Bardhë.

Kryeministri italian Mario Draghi ka vizituar Shtëpinë e Bardhë ku është pritur nga presidenti Joe Biden në një takim “kokë më kokë” në zyrën ovale ku çështja më e rëndësishme mësohet të ketë qënë situata në Ukrainë dhe bashkëpunimi i mëtejshëm për ti bërë ballë agresionit rus dhe për të ndihmuar Ukrainën.

“Ne jemi të bashkuar në dënimin e pushtimit të Ukrainës, të bashkuar në sanksione dhe do të ndihmojmë Kievin siç na kërkoi Presidenti Zelensky. Në Itali dhe në Evropë njerëzit duan t'u jepet fund këtyre masakrave, kësaj dhune. Njerëzit mendojnë se çfarë mund të bëjmë për të sjellë paqen. Me pak fjalë, ne duhet të përdorim çdo kanal për paqen, për një armëpushim dhe fillimin e negociatave të besueshme", është shprehur Draghi.

Duke saktësuar se “lidhjet mes Italisë dhe SHBA-së kanë qenë gjithmonë shumë të forta dhe kjo luftë i ka bërë edhe më të forta”, Biden falënderoi Draghi për mbështetjen e madhe që ka dhënë për të bashkuar NATO-n dhe Bashkimin Europian.

"Ti ke qenë një mik i mirë dhe një aleat i madh dhe unë ju falenderoj për përpjekjet për të bashkuar NATO-n dhe Bashkimin Evropian”, tha Biden.

Lajmi kryesor:

SHBA: Moska dëshiron të sjellë luftën në Transnistria! Bjellorusia vendos trupa në kufi me Ukrainën! Macron-presidentit kinez: Armëpushimi është urgjent

E.K/Shqiptarja.com

TAG:
• rusia sulmon ukrainen
• ukraine
• Rusi