Kryeministri izraelit javën e ardhshme në Uashington me ftesë të Trump

Kryeministri izraelit Beniamin Netanyahu do të udhëtojë javën e ardhshme në SHBA në një vizitë zyrtare ku pritet të takohet me Presidentin Amerikan Donald Trump. 
Një ftesë zyrtare iu dërgua atij këtë të martë nga presidenti amerikan i cili bën kështu kryeministrin izraelit të parin zyrtar të huaj që takon që prej marrjes së detyrës dhe i pari lider i huaj që e viziton atë në Shtëpinë e Bardhë.

BBC dhe CBS raportojnë se data e takimit të Trump dhe Netanyahut do të jetë në 4 shkurt dhe detajet e axhendës janë në ndërtim e sipër. Dy liderët pritet sigurisht të diskutojnë rreth situatës në Gaza ku prej pak ditësh ka nisur një armëpushim i brishtë ndërsa së fundmi Donald Trump ka hedhur edhe idenë e zhvendosjes së palestinezëve të gazës me qëllim rindërtimin e zonës.

Për Netanyahun udhëtimi është mjaft i rëndësishëm. Axios që raportoi si fillim për udhëtimin e cilëson një gjest të Trump ndaj Netanyahut për marrëveshjen e armëpushimit.

Zyrtarë izraelitë citohen në mediat botërore të kenë thënë se udhëtimi do të jetë edhe në varësi të shëndetit të Netanyahut i cili së fundmi është operuar në prostatë. 

Kryeministri izraelit i ka të kufizuara udhëtimet edhe për faktin se gjykata ndërkombëtarë penale ka lëshuar një urdhër arresti ndërkombëtar për të, i cili nuk dihet nëse do të ezekutohet në cdo shtet, ndërsa udhëtimi në shba nuk përbën një rrezik për Netanyahun pasi Shtëpia e Bardhë publikisht ka lënë të kuptojë se nuk do e ekzekutojë atë.
 

Xh.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 15 Shkurt, 08:36

    Çfarë vlerësimi keni për punën e e SPAK-ut deri më sot?



×

Lajmi i fundit

Berisha kërkon votat për Avokatin e Popullit, Peleshi: S’ka pasur diskutime! Hiqet nga rendi i ditës

Berisha kërkon votat për Avokatin e Popullit, Peleshi: S’ka pasur diskutime! Hiqet nga rendi i ditës