Kryeministri izraelit në OKB: Jam këtu për të thënë të vërtetën kundër gënjeshtrave për vendin tim! Diplomatët largohen nga salla

Foto: Benjamin Netanyahu

Mes protestave jashtë dhe disa diplomatëve që u larguan nga salla kryemininstri izraelit Benjamin Netanyahu gjatë fjalimit të tij në Asamblenë e Përgjithshme të OKB-së u shpreh se ai nuk kishte ndërmend që të merrte pjesë këtë vit.

“Vendi im është në luftë, duke luftuar për të mbijetuar. Por pasi dëgjova gënjeshtrat dhe shpifjet e drejtuara për vendin tim nga shumë njerëz në këtë podium, vendosa që të jem i pranishëm”, tha Benjamin Netanyahu.

LEXO EDHE:
Jemen/ Izraeli bombardon aeroportin e Sanas, kreu i OBSH i mbijeton sulmit dhe rrëfen tmerrin: Po hipnim në avion, u plagos anëtari i ekuipazhit, 2 të vdekur!

Më tej gjatë fjalës së tij Netanyahu theksoi se lufta do të përfundojë vetëm nëse Hamasi dorëzohet.

“Kam një mesazh për Hamasin, lërini pengjet, lironi ata që janë gjallë dhe kthejini eshtrat e atyre që keni vrarë familjeve të tyre. Lufta në Gaza do të përfundojë vetëm nëse Hamasi dorëzohet, lë armët dhe kthen pengjet, përndryshe do të vazhdojmë të luftojmë deri në fitore”, shtoi ai.

Nga ana tjetër kryeministri izraelit deklaroi se në qoftë se Irani sulmon Izraelin edhe këta të fundit do të bëjnë të njëjtën gjë.

"Kam një mesazh për tiranët e Iranit: Nëse na sulmoni ne, ne do t'ju sulmojmë. Nuk ka vend në Iran ku nuk mund të arrijmë. Dhe kjo vlen për të gjithë Lindjen e Mesme" tha Netanyahu në OKB.

TAG:
• lufta ne rripin e gazes
• Liban
• Hezbollah
• Izrael

Sondazhi i ditës:

Si ka qenë për ju viti 2024?

• I mirë

  44%

• I keq

  22.8%

• As i mirë as i keq

  33.2%

Vota total: 1494

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq