Kryeministri Johnson i dërgon letër 30 milionë familjeve britanike: Gjërat do të përkeqësohen para se të përmirësohen

Kryeministri Britanik Boris Johnson ka paralajmëruar se kriza e koronavirusit do të përkeqësohet para se të përmirësohet, në një letër që i dërgohet çdo familjeje në Mbretërinë e Bashkuar.

Boris Johnson, i cili është i izoluar pas testimit pozitiv për Covid-19, thotë se kufizimet më të rrepta mund të vendosen nëse do tw jetw e nevojshme.

LEXO EDHE:
Shtëpia ikonike e ‘I vetëm në shtëpi’ shitet për 5.2 milionë dollarë

Në letrën që u dërgohej 30 milion familjeve me një kosto të parashikuar prej 5.8 milionw paund, Johnson shkruan: "Që nga fillimi, ne kemi kërkuar të vendosim masat e duhura në kohën e duhur.

Ne nuk do të hezitojmë të shkojmë më tej nëse kjo është ajo që na thotë këshilla shkencore dhe mjekësore që duhet të bëjmë.”

Masat e ashpra për të trajtuar përhapjen e koronavirusit, përfshirë ndalimin e tubimeve publike të më shumë se dy persona dhe mbylljen e dyqaneve që shesin mallra jo thelbësore, u prezantuan javën e kaluar.

Ndërkohë deri më tani numri i personave që kanë vdekur me koronavirus në Mbretërinë e Bashkuar tani ka arritur në 1,019, ndërsa të shtunën humbën jetën 260 persona.

 Ndërsa numri i personave të prekur nga koronavirusi në Britani është në 17.089 raste. 

TAG:
• Koronavirus

Sondazhi i ditës:

Si ka qene per ju viti 2024?

• I mire

  43.5%

• I keq

  22.7%

• As i mire as i keq

  33.8%

Vota total: 1556

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq