POP 5

Lajmet më të lexuara të 5 minutave të fundit

Kosova & Rajoni

Kryeministri Kurti: Dokumentimi i krimeve të luftës, detyrim moral dhe historik për të gjitha gjeneratat

Kryeministri i Kosovës Albin Kurti, në prezantimin e raportit 1-vjeçar të Institutit të krimeve të kryera gjatë luftës në Kosovë, tha se dokumentimi i krimeve të luftës është detyrim moral dhe historik për të gjitha gjeneratat në Kosovë.

Kryeministri Kurti: Dokumentimi i krimeve të luftës, detyrim moral dhe historik për të gjitha gjeneratat

Aktiviteti për prezantimin e raportit 1-vjeçar të Institutit të krimeve

Kryeministri i Kosovës. Albin Kurti, ka thënë se dokumentimi i krimeve të luftës është detyrim moral dhe historik për të gjitha gjeneratat në Kosovë.

Ai në prezantimin e raportit 1-vjeçar të Institutit të krimeve të kryera gjatë luftës në Kosovë, tha se institucionet po krijojnë bazë të fuqishme për të luftuar mohimin e të vërtetës nga Serbia.

Kreu qeveritar, akuzoi estabilishmentin aktual të Serbisë për glorifikim të dhunës dhe mohim të gjenocidit në Kosovë. Madje sipas tij, të njëjtit po ringjallin ambiciet hegjemoniste të kasapit të Ballkanit, Sllobodan Millosheviq.

Kurti bëri të ditur se instituti gjatë këtij viti ka grumbulluar rreth 190 metra gjatësi të materialit arkivorë dhe 15 terabajtë material digjital, video, audio e foto, që dokumentojnë krimet e kryera gjatë luftës në Kosovë.

Në anën tjetër, drejtori i Institutit të krimeve të kryera gjatë luftës në Kosovë, Atdhe Hetemi, tha se përkundër vështirësive të shfaqura janë grumbulluar dëshmitë për dokumentimin e krimeve të luftës në Kosovë. Ai shtoi se prioritet kryesor në vitin 2025 është funksionalizimi i plotë i këtij institucioni si dhe grumbullimin e materialeve edhe në shtetet e rajonit.

Në tryezën e prezantimit të këtij raporti ishin të pranishëm edhe përfaqësues të ndryshëm të institucioneve të Kosovës. Pas fjalimit të kryeministrit Kurti dhe drejtorit Hetemi, takimi u mbyll për media.

Instituti për Krimet e Kryera Gjatë Luftës në Kosovë është themeluar në nëntor të vitit 2023./Kosovapress

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 20 Janar, 09:13

    Betohet Trump, a do të ndryshojë politika e SHBA-ve ndaj Shqipërisë?

Lajme të tjera



×

Lajmi i fundit

Tirane/ Zjarri në katin e katërt tek kompleksi

Tirane/ Zjarri në katin e katërt tek kompleksi "Kika 2", momenti kur zjarrfikësit ndërhyjnë me shkallë të shuajnë flakët

20 Janar, 11:35