Kryeministri i Kosovës, Albin Kurti, tha të hënën në mbrëmje se është i gatshëm të hap diskutimet me partitë opozitare në vend për të shpallur zgjedhjet e reja parlamentare.
Ai i bëri këto komente pas një darke me kryetarin e Partisë Demokratike të Kosovës, Memli Krasniqi, në të cilën ishin ftuar edhe dy partitë tjera opozitare, Lidhja Demokratike dhe Aleanca për Ardhmërinë e Kosovës, por të cilat refuzuan të marrin pjesë.
“Që nga marsi i këtij viti nuk mund të themi se zgjedhjet e reja janë çështje e viteve, por e muajve. Andaj edhe unë jam i interesuar që ta diskutojë me Partinë Demokratike, Lidhjen Demokratike dhe Aleancën për Ardhmërinë e Kosovës se cila është stina më e përshtatshme për zgjedhjet e radhës. E dimë që në përgjithësi është pranvera ose vjeshta”, tha kryeministri Kurti, mandati i të cilit përfundon në fillim të vitit 2025.
“Për mua nuk është thelbësore se a do të qeveris në këtë mandat edhe 10 muaj, tetë apo gjashtë muaj apo tre muaj. Është e rëndësishme të kemi një konsensus sa më të gjerë për muajin, datën e zgjedhjeve”, theksoi ai.
Kryetari i Partisë Demokratike Memli Krasniqi, tha pas takimit se zgjedhjet e parakohshme janë shndërruar në domosdoshmëri për Kosovën, duke e kritikuar kryeministrin Kurti për qeverisje jo të mirë.
“Kosova është në agoni, kemi një ekonomi të stagnuar, kemi rritje të madhe të çmimeve, me paga e pensione të vogla të cilat nuk u mjaftojnë familjeve të Kosovës të lidhin muajin me muaj. Kemi shëndetësi që vërtetë është në gjendje jashtëzakonisht të rëndë, arsim të degraduar, politikë të jashtme pothuajse joekzistente, për më shumë, një parlament jofunksional, në të cilin vazhdimisht po barten pikat pa pasur mundësi të kalohen, edhe ligjet që kërkojnë shumicë të thjeshtë e lëre më marrëveshjet ndërkombëtare”, tha Krasniqi.
Ai theksoi se në rrethanat aktuale “është e rëndësishme të kthehemi te qytetari për të marrë mendimin e tyre”, duke ju referuar edhe siç tha situatës së vështirë mbi anëtarësimin e Kosovës në Këshillin e Evropës.
Gjermania dhe Franca e kanë shndërruar themelimin e Asociacionit në kusht për votimin e tyre në mbështetje të anëtarësimit të Kosovës në Këshillin e Evropës. Por, kryeministri i Kosovës Albin Kurti e ka cilësuar “absurd” dhe të papranueshëm një kushtëzim të tillë dhe ky qëndrim duket se e la Kosovën jashtë rendit të ditës së Këshillit të Ministrave të kësaj organizate që mblidhet këtë javë.
“Konsideroj se duhet ta përshpejtojmë punën për t’u dhënë zgjidhje këtyre çështjeve”, tha Krasniqi.
I pyetur nga gazetarët nëse qeveria e Kosovës ka ndryshuar qëndrim ndaj kërkesave perëndimore për Asociacionin, kryeministri Kurti tha se “nuk kam asgjë të re t’ju them për këtë sepse ne tashmë i kemi plotësuar të gjitha kushtet. Tash unë besoj që fjalën nuk e kemi ne por e ka Këshilli i Evropës, përkatësisht Këshilli i Ministrave”.
Kryetari i Aleancës për Ardhmërinë e Kosovës, Ramush Haradinaj, në një postim në rrjetet sociale akuzoi kryeministrin Kurti se qëndron prapa nismës për shpërbërjen e parlamentit.
“Duket që po i rrëshqet toka nën këmbë dhe dëshpërimisht po e kërkon shpëtimin e vet. Në këtë prizmë duhet parë edhe insistimi i tij që pas tre vjet qeverisjeje, më në fund kërkon takim me liderët e opozitës, në mos ata po bëhen shpëtimtarët e tij”, shkroi ai, duke nënvizuar se “Aleanca për Ardhmërinë e Kosovës, do të mund ta mbështeste shpërbërjen e Parlamentit, vetëm pas dorëheqjes apo shkarkimit të Kryeministrit”.
Kryeministri Kurti tha se do të këmbëngulë të takohet me të gjitha partitë opozitare, për të kërkuar bashkëpunimin e tyre për votim të marrëveshjeve ndërkombëtare./VOA
Komente
Lajme të tjera
-
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
‘S’është koha për bashkim me Shqipërinë’, Kurti: Qëllimi i Serbisë është hakmarrja, duhet të jemi të përgatitur për këtë
22 Nëntor, 10:32 -
Kimete Berisha: E vetmuar, si dhelpra!
21 Nëntor, 21:31
-
‘Janë të pavërteta’, Policia e Kosovës mohon se e ka kaluar kufirin me Serbinë
21 Nëntor, 20:12 -
Shqipja në Maqedoninë e Veriut: Çfarë po e pengon zbatimin e Ligjit për gjuhët?
21 Nëntor, 16:54
-
Osmani kritika Kurtit: S’mund të luajmë bixhoz me partnerët, cenohet mbrojtja e Kosovës! Askush s’ia ka dalë vetëm
21 Nëntor, 11:35 -
Qeveria e Kosovës akuzon Serbinë për legjitimim të diskriminimit të shqiptarëve
20 Nëntor, 21:37 -
Policia e Kosovës aksion në veri të vendit, gjen armë dhe uniforma ushtarake
20 Nëntor, 21:09 -
Kosovë-Shqipëri përmbyllin edicionin e tretë të Javëve Kulturore Ndërkombëtare! Zbuloni aktivitetet që do të organizohen nga data 21 deri më 30 Nëntor
20 Nëntor, 19:06 -
Jakin Marena: Berisha ngre flamurin serb në Kuvend, Kurti zhbën shqipen, rastësi?!
20 Nëntor, 18:41
-
Thirrjet 'Serbi, Serbi', Armando Duka del kundër Kosovës: Gabuan që bojkotuan ndeshjen
20 Nëntor, 12:58
Nuk e kuptoj kete keyetarin e PDK-s se çfar e ka shtyre te takohet me kurcin ne kohen kur Ramushi e abdixhiku e refuzojne, kjo e deshmon se PDK mjerisht ska lidership andaj kurrci eshte kryeminister e mender presednike osmanka hip ne helikopter tash meqe ka hequr killat,lum kosova e mjer kosova ku ka perfunduar.
Përgjigju