Kryeministri Kurti kërkon nisjen e procedurës për shkarkimin e Thaçit: Ka shkelur Kushtetutën përmes një marrëveshje sekrete

Kryeministri i Kosovës, Albin Kurti ka kërkuar nga kryeprokurori i shtetit, Aleksandër Lumezi të kryej hetime për presidentin Hashim Thaçin, lidhur me një marrëveshje që ai si kryeministër e kishte nënshkruar me sekretarin e përgjithshëm të atëhershëm të NATO-s, Anders Fogh Rasmussen.

Në komunikatën e lëshuar nga Albin Kurti thuhet se “Për t’iu shmangur çdo keqkuptimi të mundshëm, si kryeministër, nuk shpreh asnjë qëndrim për ose kundër marrëveshjes sekrete, për sa i përket përmbajtjes së saj”.

‘Unë, - shkruan Kurti - e kuptoj dhe e vlerësoj thellësisht  rëndësinë e jashtëzakonshme të bashkëpunimit ndërmjet Republikës së Kosovës dhe NATO-s për sigurimin e plotë të integritetit territorial të Republikës dhe të qytetarëve të saj dhe garantoi se nuk do të ndërmarr asnjë hap që do të rrezikonte këtë aleancë të domosdoshme për sigurinë e vendit tonë”.

LEXO EDHE:
Sabotimi i kabullit nënujor nga Rusia, NATO do të shtojë praninë ushtarake në Balltik

Zyra e Kryeministrit njofton se marrëveshja e nënshkruar në vitin 2013 mes Thaçit dhe dhe ish-sekretarit të Përgjithshëm të NATO-s, Rasmussen parashihte të drejtën absolute të vetos mbi të gjitha misionet e ardhshme të Forcës së Sigurisë së Kosovës në veri të vendit, për një periudhë pa afat.

Albin Kurti, ka njoftuar sot përmes një shkrese zyrtare se e ka informuar edhe kryeparlamentaren Vjosa Osmani, lidhur me një marrëveshje sekrete, për të cilin Kurti mendon se është shkelur kushtetuta e vendit.

Sot Kryeministri i Kosovës, Albin Kurti, në një konferencë për media, ka deklaruar se presidenti i vendit, Hashim Thaçi, kur ishte në krye të qeverisë kishte fshehur marrëveshjen e nënshkruar në vitin 2013. 
“Dje pasdite i kam nisur një letër zonjës Vjosa Osmani, presidentit të vendit dhe kryeprokurorit, lidhur me një marrëveshje sekrete të nënshkruar në vitin 2013 e cila ishte  zotim i njëanshëm i Thaçit”. 
Kurti tha se për ne është shumë e rëndësishme që të marrim vesh se kush e ka kërkuar një gjë të tillë, “nuk besojmë se e ka kërkuar Brukseli, mund ta ketë kërkuar Serbia, është një gjë që duhet të hetohet”
Para se të shkojmë në Konferencën e Mynihut jam përpjekur që ta takoj Thaçin, edhe më tej jam interesuar që të takohem me të në mënyrë që në politikën e jashtme të mos jemi kakofoni zërash”, shtoi Thaçi
Kryeministri tha se ai do të udhëheqë me dialogun Kosovë – Serbi, por  ka kërkuar që të bashkëpunojnë për politikën e jashtme edhe me presidentin e vendit.

TAG:
• nato
• hashim thaci
• Albin Kurti
• Vjosa Osmani
• Anders Fogh Rasmussen

Sondazhi i ditës:

Si ka qene per ju viti 2024?

• I mire

  43.6%

• I keq

  22.7%

• As i mire as i keq

  33.8%

Vota total: 1545

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq