Kryeministri: Ndjekje penale
kush dha leje kundër ligjit

TIRANE- Kryeministri Edi Rama në deklaratën e dhënë para nisjes së mbledhjes së Këshillit Kombëtar të Territorit ka theksuar se do të ketë proces penal dhe ndëshkues ndaj atyre që bëjnë deklarime pa leje, por dhe ata që japin leje pa asnjë kriter. “Pa as më të voglin dyshim ne do të ndjekim këmba-këmbës çdo abuzues me territorin, qoftë ky një abuzues individ apo subjekt, që pa leje ndërtimi, operon duke bërë kontributin e tij masakër, qoftë ky abuzues që ka në dorë të japi leje ndërtimi dhe nuk respekton asnjë ligj dhe asnjë normë etike në raport me këtë pasuri të përbashkët”, u shpreh dje Rama.