POP 5

Lajmet më të lexuara të 5 minutave të fundit

Bota

Kryeministri Netanyahu zotohet të ndalojë transmetimet e televizionit Al Jazeera në Izrael

Kryeministri izraelit Benjamin Netanyahu, u zotua të hënën të ndalojë transmetimet e stacionit televiziv Al Jazeera, brenda Izraelit.

Kryeministri Netanyahu zotohet të ndalojë transmetimet e televizionit Al Jazeera në Izrael

Al Jazeera

Kryeministri izraelit Benjamin Netanyahu, u zotua të hënën të ndalojë transmetimet e stacionit televiziv Al Jazeera, brenda Izraelit.

“Kanali terrorist Al Jazeera nuk do të transmetojë më nga Izraeli. Kam ndërmend të veproj menjëherë në përputhje me ligjin e ri për të ndaluar veprimtarinë e tij”, tha kryeministri Netanyahu në një postim në platformën e mediave sociale X.

Më herët gjatë ditës, parlamenti miratoi një ligj që i lejon qeverisë të mbyllë mediat e huaja që konsiderohen si kërcënim për sigurinë e shtetit.

Ligji, i cili u miratua me 70 vota për dhe 10 kundër, u jep kryeministrit dhe ministrit të komunikimit fuqinë për të mbyllur mediat e huaja në Izrael nëse besohet se ato paraqesin kërcënim për sigurinë e Izraelit. Sipas ligjit, medieve të shënjestëruara mund t'u ndalohen edhe transmetimet.

Shtëpia e Bardhë e cilësoi shqetësues zotimin e kryeministrit Netanyahu.

Kanali Al Jazeera me seli në Doha, nuk iu përgjigj menjëherë kërkesës së Zërit të Amerikës për një koment.

Ministri izraelit i Komunikimit Shlomo Karhi, i është referuar më parë Al Jazeeras si "një zëdhënës propagandistik" për grupin militant Hamas dhe e ka akuzuar kanalin me seli në Katart për ekspozimin e ushtarëve izraelitë ndaj sulmeve të mundshme nga Gaza.

Grupet e lirisë së shtypit i kanë dënuar përpjekjet e qeverisë izraelite për të mbyllur transmetimet e kanalit Al Jazeera në Izrael./ VOA

G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Media greke: Dritan Rexhepi, shqiptari që ndërtoi kartelin e kokainës, nga ‘investitori’ grek në ‘Escobarin’ e ri të perandorisë së drogës

Media greke: Dritan Rexhepi, shqiptari që ndërtoi kartelin e kokainës, nga ‘investitori’ grek në ‘Escobarin’ e ri të perandorisë së drogës

7 Janar, 23:01