POP 5

Lajmet më të lexuara të 5 minutave të fundit

Arkiva

Kryeministri Rama: Frymëzuese iniciativa e Kancelares Merkel për takimin mbi Ballkanin, në Berlin

TIRANË, 21 Gusht/ATSH-Arbi Fortuzi/-. Kryeministri Edi Rama e ka cilësuar mjaft frymëzues iniciativën e Kancelares gjermane Angela Merkel për takimin mbi Ballkanin, në Berlin. Këtë vlerësim e Kreu i Ekzekutivit shqiptar e bëri gjatë një takimi të zhvilluar sot në zyrën e tij, ku priti delegacionin e Bundestag-ut të Republikës Federale të Gjermanisë, të kryesuar nga […]
TIRANË, 21 Gusht/ATSH-Arbi Fortuzi/-. Kryeministri Edi Rama e ka cilësuar mjaft frymëzues iniciativën e Kancelares gjermane Angela Merkel për takimin mbi Ballkanin, në Berlin. Këtë vlerësim e Kreu i Ekzekutivit shqiptar e bëri gjatë një takimi të zhvilluar sot në zyrën e tij, ku priti delegacionin e Bundestag-ut të Republikës Federale të Gjermanisë, të kryesuar nga Nënkryetari i tij, Johannes Singhammer.
Kryeministri Rama u shprehu miqve mirënjohjen për çka Gjermania ka bërë gjatë gjithë këtyre viteve për Shqipërinë. Kryeministri theksoi se jetojmë në një kohë të re, kur 100 vjet pas Luftës së Parë Botërore, ky është viti i parë pa konflikte në rajon, çka kërkon edhe një moment të ri në bashkëpunimin rajonal dhe përpjekjet e përbashkëta për prosperitetin e rajonit, si të tërë.
Në këtë këndvështrim, Kryeministri e cilësoi frymëzuese, iniciativën e Kancelares gjermane Angela Merkel për takimin mbi Ballkanin, në Berlin. E rëndësishme, u shpreh Kryeministri, është që rajoni të mos e humbë ëndrrën europiane dhe Gjermania, e cila gëzon respektin e të gjitha vendeve të rajonit, ka një rol të posaçëm. Për Kryeministrin Rama, kjo marrëdhënie e re lidhet edhe me nevojën e rritjes së bashkëpunimit ekonomik dhe të shtimit të investimeve gjermane në rajon.
Në takim u nënvizua, gjithashtu, vullneti i dyanshëm për rritjen e bashkëpunimit ekonomik në fusha me interes të përbashkët, me theks të veçantë në fushën e dijes.
Singhammer i shprehu Kryeministrit, edhe vlerësimet për rolin e rëndësishëm të Shqipërisë në stabilitetin dhe paqen në rajon.
 

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Dita e Falenderimeve në SHBA, videoja nga AI: Trump del nga gjeli i detit dhe prish festën e Biden

30 Nëntor, 17:18