Një tjetër rast dhune denoncohet këtë të mërkurë në emisionin ‘Pa Gjurmë’ në Report TV. I tillë është rasti i 45-vjecares nga qyteti i Shkodrës Shqiponja Mashi, e cila rrëfeu në studio 28 vitet e dhunës fizike dhe psikologjike, nga bashkëshorti Agroni. Të dy janë prindër të një vajze adoleshente, e cila erdhi në jetë pas 14 vitesh martesë. Por pavarësisht kësaj dhuna në familjen Mashi nuk u ndal, por vazhdoi me vite deri një muaj më parë, kur 45-vjecarja vendos ta denoncojë duke e cuar pas hekurave bashkëshortin, i cili vuri dorë edhe mbi të bijën 15-vjecare, madje kreu dhe veprime të turpshme në sy të saj.
‘Kohët e fundit ka ushtruar dhunë edhe mbi vajzën. Një muaj më parë bëri debat me vajzën. Ishte një debat banal. U cua duke e fyer me fjalë të rënda vajzën, me fjalët më të ulëta. Atë moment filloi dhe mbi mua me fjalë fyese. Madje nisi të bënte dhe veprime të pahijshme në sy të vajzës. Vajza më tha të merrja policinë pasi nisi të bëhej edhe i dhunshëm. Erdhi policia dhe vajzën e gjetën me shenja.
Moderatorja: Po pse nuk i dhatë fund kësaj marrëdhënie ?
Ku të shkoja ? S’kam asnjë përkrahje
Atë natë na cuan në polici. Atë e mbajtën aty dhe ne erdhëm në shtëpi. Nuk dua ta takoj më asnjëherë. Për dhunë në familje nuk është dënuar asnjëherë. Tani pritet të merret një vendim. Nuk kam mbështetje as nga njerëzit e tij. Ata nuk e duan dhe nuk i flasin vëllait të tyre. Kështu ka qenë që prej fillimit. Kam duruar shumë’, rrëfen bashkëshortja
Ky nuk është denoncimi i parë që Shqiponja bën. Rastet e përsëritura e kanë drejtuar tek e njëjta derë e komisariatit, por i shoqi është mbajtur për disa ditë dhe sa herë është lënë i lirë aq herë ka ushtruar edhe më shumë dhunë.
‘Bashkëshorti më ka dhunuar për 28 vite me radhë. Ai nuk punonte. Unë kam punuar në një fabrikë këpucësh. Kur vinte dita e rrogës vinte dhe ma merrte dhepër të larë borxhet. Kam qenë 22 vjece kur nisi të ushtronte dhunë ndaj meje. Ai që prej fillimit pati qëllime të më trafikonte. Ika për disa kohë tek prindërit e mi dhe vinte ulej në gjunjë duke kërkuar që unë të kthehesha. Durova dhunën fizike dhe psikologjike se e kam dashur shumë. Cdo ditë e më shumë bëhej i marrë. Deri në vitin 2005 më bënte presion dhe ushtronte dhunë duke më kërkuar një fëmijë. Mbeta shtatzanë pas 14 vitesh martesë dhe solla në jetë vajzën.Por kësaj nuk ndryshoi kurrë. Ai luante kumar. Vinte në shtëpi me duar bosh. Më ka dhunuar shumë fizkisht. Shumë herë e kam denoncuar, por dy ditë e mbanin dhe e lironin. Kam menduar ta ndajë disa herë, por nuk kisha asnjë mbështetje’, vijon rrëfimin e saj 45-vjecarja
Shqiponja Mashi deklaron live se ka vendosur të divorcohet, një gjë të cilën bashkëshortit që ndodhet pas hekurave nuk ja ka komunikuar ende. Pa përkrahje, për shkak të problemeve shëndetësore Shqiponja nuk është e aftë për punë. E vetmja mundësi për të mbajtur shpirtin gjallë janë vetëm 39 mijë lekë të vjetra në muaj që merr nga ndihma ekonomike.
’Me largimin e tij ne jemi të qeta. Edhe vajza është dakord që ne të divorcohemi. Nuk e di ku do shkoj. Kam frikë se kur të dalë nga burgu do na mbysi. Shtëpia është e tij. Por në një shtëpi me të nuk jetohet.Unë jam mbytur në borxhe për të ngrënë bukë. Tani s’kam kujt t’i marr më. Shtëpia është e pabanueshme. Nuk kisha asgjë për ti blerë vajzës, kur filloi shkollën. Ajo shtëpi është katastrofë. 28 vite në një shtëpi që nuk është vënë dorë’, përfundon rrëfimin e saj 45-vjecarja
VIDEO/Emisioni i plotë
Lajme të tjera
-
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Ikën stuhia, Shkodra përfshihet nga dëbora, të gjitha rrugët të kalueshme (VIDEO)
23 Nëntor, 11:55 -
Moti i keq në Shkodër, prurje masive ujërash në tunelin e Gjegjanit! Policia dhe nënkontraktori në terren me 2 fadroma
22 Nëntor, 19:26 -
Moti i keq/ Fshatrat e Shkodrës pa energji elektrike
22 Nëntor, 18:21 -
Vllaznia pret Teutën, Thomas Brdaric: Durrsakët me përgatitjen më të mirë fizike në kampionat, kemi mungesa
22 Nëntor, 13:44 -
Atentati në Shkodër/ Zbardhet dëshmia e policëve: S’e njohëm personin e 3 nëse ishte Ibrahim Lici! Gjykata i liron nga qelia, pezullohen nga detyra
22 Nëntor, 13:11 -
Moti i keq/ Disa fshatra në Vaun e Dejës pa energji elektrike! Rrëshqitje dherash në rrugët e Fushë-Arrëzit
22 Nëntor, 12:28 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Qyteti i Pukës mbetet pa spital, era e fortë rrëzon çatinë! Rrëshqitje dherash në Fushë-Arrëz, tre banesa rrezikojnë të shemben
21 Nëntor, 16:33 -
Ekskluzive/ I vranë të birin, babai i Martin Canit flet për Report Tv pas protestës: E pabesueshme, falënderoj shqiptarët që ma lehtësojnë këtë dhimbje (VIDEO)
21 Nëntor, 16:16 -
Studimi në Shkodër: Afro 20 për qind e nxënësve bullizohen në shkollë! Shqetësim dhe mungesa e oficerëve të sigurisë
21 Nëntor, 16:16
-
Shkodër-Mali i Zi, sekuestrohen mbi 2 mln euro cash brenda katër ditëve, dyshohet se vijnë nga aktivitetet e paligjshme! 3 persona në pranga (RASTET)
21 Nëntor, 15:17
