TIRANE- Kisha Orthodhokse Autoqefale e Shqipërisë, ka sjellë dhe një herë në vëmendje shembjen e Kishës së Shën Thanasit në Himarë. Në notën e protestës të bërë ditën e djeshme, krerët e Kishës në Shqipëri theksojnë se do të protestojnë deri sa të arrihet e vërteta.

Ndërsa nënvizohet se në respektim të Takimit Ndërkombëtar për Paqen, të zhvilluar në Tiranë, nuk e kanë përmendur shembjen e objektit. “Kisha Orthodhokse Autoqefale e Shqipërisë si bashkorganizatore e “Takimit Ndërkombëtar për Paqen”, që u zhvillua në Tiranë nga 6-8 shtator 2015, shmangu me takt gjatë këtyre ditëve zhurmën e një proteste publike kundër kësaj shkeljeje skandaloze të lirisë fetare dhe sakrilegji  ndaj vendeve të shenjta të kultit.