Kryeprokurori italian ngre alarmin: Shqiptarët jo më çirakë të mafies lokale, por ndërmjetësues ndërkombëtarë droge

Kryeprokurori italian Francesco Lo Voi ka ngritur alarmin për zgjerimin e mafias shqiptare në Itali.

Teksa foli gjatë një raportimi në komisionin parlamentar antimafia, kryeprokurori i Romës, Francesco Lo Voi dhe Ilaria Calò, theksuan se shqiptarët nuk janë më çirakë të mafias lokale, por janë kthyer në ndërmjetësues të ndërkombëtarë droge.

“Mafia shqiptare ka bërë kapërcimin përfundimtar në cilësi në qytetin e përjetshëm, duke u kthyer nga një çirak i mafies vendase në ndërmjetësues ndërkombëtar droge”, sipas La Repubblica.

LEXO EDHE:
Gianluigi Buffon merr postin e rëndësishëm në kombëtaren e Italisë

Lo Voi tha se prania e krimit të tipit mafioz vazhdon të ndihet në qytetin e Romës.

"Në disa hetime "janë gjetur tashmë marrëdhënie midis kriminelëve të pastër dhe kriminelëve "politikë". Kjo është arsyeja pse në prani të një situate veçanërisht komplekse, të vështirë për t'u përballuar, nëse do të krijohej një bashkim synimesh mes krimit dhe sektorëve politikë, gjithçka do të ngrihej në një nivel më të lartë. Prania e krimit të tipit mafioz vazhdon të ndihet në qytetin e Romës, në qendrat e zonës metropolitane dhe në provincat e tjera të Lazios me karakteristikat e mafias tradicionale, të cilat e kanë të lehtë të riinvestojnë paratë e paligjshme në aktivitetet e pastrimit të parave. format më të ndryshme Jo vetëm ndërtimi, por edhe hotelerie, shërbime dhe logjistike”, tha ai. 

S.B/SI.E./Shqiptarja.com

TAG:
• Francesco Lo Voi
• Italia