Kryeprokurori, Wollfarth: Ideale
të gjendet kandidat konsensual

TIRANE- Ambasadori i OSBE-së Wollfarth përfshihet në debatin politik për mandatin e kryeprokurores Ina Rama dhe deklaron se më me rëndësi për datën është cilësia e kandidatit.

”Më e rëndësishme se data është cilësia e kandidatëve. Është shumë e dobishme që këto ditë, këto javë, të përdoren për të gjetur kandidatë të mirë dhe mendoj se nisja e bisedimeve është një hap i mençur.” -  tha sot Wollfarth në një prononcim për median.
Sipas tij një debat i tillë ekziston dhe në vende të tjera por shprehu besimin se do të arrihet për të gjetur një kandidat konsensual.
“Shumë shpesh, vlerësimet ligjore çojnë në lexime të ndryshme. Mendoj se ka argumente shumë të mira për majin, por ka edhe argumente të mira për nëntorin. Kjo nuk është diçka specifike shqiptare; leximet e ndryshme ekzistojnë edhe në vende të tjera. Më e rëndësishme është të gjenden kandidatë të mirë, përmes dialogut. Dialogu është i hapur dhe unë e përgëzoj shumë këtë fakt. Prokurori i Përgjithshëm është një post kyç në çdo shtet me demokraci funksionale. Prandaj, është mirë që procesi po fillon tani për të identifikuar kandidatët e mirë dhe, me shpresë, për të arritur një rezultat të mirë. Kam besim se kjo do të arrihet.”

I pyetur nëse kur shprehet i përshtatshëm, do të thotë të jetë konsensual, ambasadori Wollfarth u përgjigj “Idealisht, po, me konsensus.”
(sg/shqiptarja.com)

TAG:
• OSBE