Kryesimi i presidencës së BE nga Gjermania, Meta: Optimist se këto 6 muaj do të nisin negociatat për anëtarësimin

Presidenti Ilir Meta me anë të një shënimi në 'facebook' ka shkruar në lidhje me kryesimin e Presidencës së BE-së që nga sot dhe për 6 muaj do të mbahet nga Gjermania. Presidenti i Shqipërisë thotë se ka pritshmëri të mëdha se gjatë kësaj periudhe të nisin negociatat për anëtarësimin në BE, në një kohë kur çështja e Shqipërisë dhe Maqedonisë së Veriut janë vendosur në axhendë.

"Sot Gjermania nis kryesimin e Presidencës së Bashkimit Europian.
Mirënjohës për vendosjen e Shqipërisë dhe Maqedonisë së Veriut në krye të agjendës europiane. Kjo është një mundësi që nuk duhet humbur kurrësesi!
Shqipëria duhet të zbatojë të gjitha kushtet e vendosura sa më parë.
Takimi i djeshëm me Kryetarin e Parlamentit ishte një hap i parë optimist për vijimin e emërimeve të Gjyqtarëve të tjerë Kushtetues.
Shpresoj që kjo të frymëzojë një qasje të ngjashme gjithëpërfshirëse në të gjitha fushat ku nevojiten reforma kyçe.
Pritshmëritë për nisjen e negociatave të anëtarësimit gjatë Presidencës gjermane janë të larta.
Nuk do të kursej asnjë përpjekje për Shqipërinë Europiane,"-shkruan Meta.

Ne.k./Shqiptarja.com

TAG:
• BE
• Ilir Meta
• gjermania