“Të dashur, të dashur banorë të Mariupolit, sot fillon evakuimi i popullatës civile në qytet". Kështu kryetari i bashkisë së Mariupolit, Vadym Boichenko, në një deklaratë të shkurtër pas konfirmimit të korridorit humanitar të krijuar mëngjesin e sotëm.

"Ky nuk është një vendim i lehtë, por, siç e kam thënë gjithmonë, Mariupoli nuk është rrugë dhe shtëpi. Mariupoli janë banorët e tij, jemi ju dhe unë. Detyra jonë kryesore ka qenë dhe mbetet gjithmonë të mbrojmë njerëzit. Në kushtet kur Vendlindja është vazhdimisht nën zjarrin e pamëshirshëm të pushtuesve, nuk ka zgjidhje tjetër veçse të lejojmë banorët, pra ju dhe unë, të largohemi të sigurt nga Mariupoli”, shtoi ai.

Nënkryetari i bashkisë tha se mund të largohen deri në 9,000 njerëz mund të largohen nëse armëpushimi  vazhdon.

"Negociatat e armëpushimit vazhduan gjatë natës. Marrëveshja u vendos vetëm pak orë më parë, u njoftua dhe ne konfirmuam se armëpushimi filloi në orën 9 të mëngjesit me orën lokale. Ne filluam menjëherë procedurën. Kemi rregulluar 50 autobusë dhe mendojmë se 5-6000 njerëz mund të dalin me autobus për në Zaporizhzhia. Njerëzit mund të largohen edhe me makinë private. Ne mendojmë se gjithsej 7-9000 persona mund të ikin me autobus dhe me makinë private, nëse armëpushimi vazhdon”, tha ai.


Lajmi kryesor:

Lufta në Ukrainë/ Izraeli vetëofrohet negociator mes Kievit dhe Moskës! Kryeministri Bennett 3 orë me Putin, 90 minuta me Scholz! Të hënën raundi i tretë i bisedimeve! Në Mariupol situatë katastrofike