Kryetari i Melitopolit flet për rrëmbimin e tij nga rusët: Ushtarët e tyre ishin të papërgatitur, për ta nuk vlente jeta njerëzore

Kryetari i Melitopolit, Ivan Fedorov i rrëmbyer më 11 mars dhe më pas i liruar nga ushtria ruse, ka folur për ditët kur është rrëmbyer. Ai tha se ushtarët rusë “ishin të papërgatitur fare” dhe "që nuk dinin asgjë për Ukrainën". Aktualisht Fedorov ndodhet në Paris me një delegacion nga Kievi.

“Propaganda ruse është shumë e fortë. Edhe në Bashkimin Evropian informacioni objektiv ndonjëherë ka vështirësi të arrijë”, tha ai.

LEXO EDHE:
Presidenti rus i Dumës: BE shkel lirinë e shtypit dhe të shprehjes

I arrestuar nga rusët, Fedorov tha se kishte pësuar dhunë psikike.

“Pesë ushtarë ishin me mua në dhomën e marrjes në pyetje. Ata nuk ishin të përgatitur fare. Ata nuk dinin asgjë për Ukrainën dhe Melitopolin. Dëgjova britmat e të torturuarve në qelitë pranë meje dhe kuptova se cili ishte niveli i dhunës së tyre, sepse jeta njerëzore nuk vlen për ta”, tha ai

Lajmi kryesor:

Lufta/ Bisedime të reja në 1 prill! Putin: Paguani gazin me rubla ose iu ndërpresim kontratat! Franca dhe Gjermania: Gati të bllokojmë importin! Biden: Putin po izolohet në Rusi

TAG:
• rusia sulmon ukrainen
• Rusi
• ukraine