Kryetarja e OSBE takon Metën, nuk e kursen për sulmet ndaj SPAK: Gjyqësori nuk merr urdhra nga askush

Kryetarja e OSBE takon Metën, nuk e kursen për sulmet ndaj SPAK: Gjyqësori nuk merr urdhra nga askush

Clarisse Pasztory dhe Ilir Meta

Kryetarja në Detyrë e Prezencës së OSBE-së, Clarisse Pasztory ka zhvilluar një takim me kryetarin e Partisë së Lirisë Ilir Meta, për të diskutuar për reformën zgjedhore, por nuk i ka kursyer dhe një mesazh për sulmet e tij ndaj prokurorisë së posaçme (SPAK).

"Drejtësia është e pavarur dhe nuk merr urdhra nga askush”, ka qenë ky mesazhi i qartë që Pasztory ia ka thënë Metës në sy.

Detajet për diskutimet mes tyre i ka publikuar në rrjete sociale vetë kryetarja e OSBE në Shqipëri.

 “U takova me kryetarin e Partisë së Lirisë, Ilir Meta dhe ekipin e tij, sot, për të diskutuar përparësitë e reformës zgjedhore, duke përfunduar kështu raundin e takimeve të mia me partitë politike për këtë temë.

Gjithashtu, e përdora këtë mundësi për të adresuar komentet e kohëve të fundit lidhur me gjyqësorin në Shqipëri. Shpreha mbështetjen e plotë, timen dhe të Prezencës së OSBE-së, për SPAK-un. Gjyqësori është i pavarur dhe nuk merr urdhra nga askush”, shkruan Pasztory.

Sulmi i paprecedentë i Ilir Metës prej disa ditësh ndaj Altin Dumanit të SPAK është dënuar ashpër nga përfaqësitë diplomatike më të rëndësishme në Tiranë cilat kanë deklaruar edhe njëherë mbështetjen e pakushtëzuar ndaj prokurorëve dhe gjyqësorit. SHBA, Bashkimi Evropiane dhe Britania u kujdesën që në të tria reagimet e veçanta të citojnë se qëndrojnë krah prokurorisë në luftën kundër pandëshkueshmërisë.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A jeni dakord që personat e së njëjtës gjini të martohen ligjërisht?



×

Lajmi i fundit

Durrës/ 24-vjeçari plagoset me armë zjarri, paraqitet në spital! Rrethanat e paqarta

Durrës/ 24-vjeçari plagoset me armë zjarri, paraqitet në spital! Rrethanat e paqarta