POP 5

Lajmet më të lexuara të 5 minutave të fundit

Politikë

‘Pasaportat e arta’, ambasadorja e Francës: Djalli fshihet në detaje! Tabaku e Skendaj: Drafti mund t’i hapë rrugë informalitetit

Ambasadorët e Francës dhe disa vendeve të BE shprehën sërish rezerva të forta në lidhje me planin e Shqipërisë për pasaportat e arta. Gjatë prezantimit të një raporti të Komitetit të Helsinkit mbi këtë projekt, diplomatët thanë se shtetësia në BE nuk duhet të jetë në shitje.   

Ambasadorët e vendeve të BE paralajmëruan se projekti i Shqipërisë për pasaportat e arta mbart rreziqe serioze dhe si i tillë, duhet të shoqërohet me transparencë dhe konsultime.

“Djalli fshihet në detaje, ka disa çështje teknike që janë të vështira për t’u cekur, por do i kalojmë të gjitha këto hollësi. Duhet të kemi transparencë për shoqërinë civile”, tha Elisabeth Barsacq, Ambasadore e Francës në Shqipëri.

Në të njëjtën linjë, por me terma edhe më të ashpër, ambasadori i Mbretërisë së Vendeve të Ulëta në Shqipëri tha se kjo çështje paraqet ndjeshmëri të lartë dhe kërkon kujdes maksimal.

“Kini parasysh se shtetësia e BE-së është shumë e ndjeshme në lidhje me shtetin. Pasaporta është një nga mënyrat më të mira për të mbrojtur shtetësinë e BE-së, ajo nuk është në shitje”, tha Reinout Vos, Ambasador, Mbretëria e Vendeve të Ulëta në Shqipëri.

Deklaratat e diplomatëve u bënë gjatë prezantimit të raportit për ‘Pasaportat e Arta’ nga Komiteti Shqiptar i Helsinkit. Drejtoresha ekzekutive Erinda Skendaj tha se deri tani mungon transparenca në lidhje me planin për dhënien e pasaportave shqiptare për shtetasit e huaj që investojnë një shumë të caktuar parash në vendin tonë.

“Ende nuk ka një VKM për kriteret e  procedurat. Nuk ka  asnjëdokument zyrtar që të hedhë dritë mbi nevojën e miratimit të kësaj Vkm dhe në ç’drejtim është parashikuar dhënia me koncension apo partneritet publik privat I këtij shërbimi. Në Shqipëri mungojnë të dhënt zyrtare sa shtetas kanë përfituar  nga shtetësia e investitorit( përjashtim viti 2018 , rasti I indianëve . Mungesa e kësaj transparence shkon përkundrejt tërheqjes së vëmendjes që BE ka bërë për shtetet anëtare”, tha Erida Skëndaj, Drejtoreshë Ekzekutive, KSHH.

Për deputeten e PD Jorida Tabaku duhet të shihet me prioritet vendosja e kufizimeve për hyrjen e kapitaleve të dyshimta në ekonominë shqiptare.

“Nëse duam që të bëhemi vend anëtar, atëherë i takon BE që të shoh nëse do që ta shesë shtetësinë. Duhet të shikohet se çfarë sjell shitja e shtetësisë, për rrezikun nga pastrimi i parave. Nga të dhëna që vijnë nga Presidenca, dhënia e shtetësisë shqiptare është dyfishuar, si rasti i dyshimtë i dy investitorëve indianë. Nëse kjo ndiqet dhe me amnistinë fiskale, këto janë drejtime të rrezikshme, që lidhet dhe me stabilitetin e ekonomisë shqiptare”, tha Jorida Tabaku.

Për herë të parë, nisma e Pasaportave të Arta u përmend nga kryeministri i Shqipërisë, Edi Rama, në vitin 2019. Ambasadorja e BE në Tiranë ka deklaruar se ekspertë të unionit por edhe nga Moneyval, kanë mbërritur në Shqipëri për të ofruar këshilla mbi hartimin e ligjit. Pala shqiptare vazhdimisht është shprehur se po punon me institucionet ndërkombëtare për të adresuar kritikat mbi paketën.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Norvegji, autobusi me 60 pasagjerë del nga rruga dhe përfundon në liqen! 3 të vdekur

Norvegji, autobusi me 60 pasagjerë del nga rruga dhe përfundon në liqen! 3 të vdekur

26 Dhjetor, 16:28