Dy nga nëntë kushtet e kërkuara nga grupet parlamentare të partive të koalicionit CDU/CSU e SPD në Bundestagun gjerman, kërkojnë kohë fizike për t’u realizuar. Bëhet fjalë për përfundimin e procesit të Vetingut për 57 gjyqtarët dhe prokurorët prioritarë, të cilët janë edhe kandidatë për dy organet më të rëndësishme të drejtësisë, Këshilli i Lartë i Gjyqësor dhe Këshilli i Lartë i Prokurorisë.
Kushti i dytë konsiston në ngritjen e organeve të SPAK-ut, ku përfshihen Byroja Kombëtare e Hetimit, Prokuroria e Posaçme dhe Gjykatat Speciale. Për plotësimin e këtyre dy kushteve, autoriteteve shqiptare u duhen të paktën 11 muaj kohë fizike.
Nga grupi i parë i 57 gjyqtarëve dhe prokurorëve, deri më tani kanë kaluar në filtrin e trefishtë të Vetingut 16 gjyqtarë dhe prokurorë, ku janë shkarkuar gati më shumë se sa gjysma. Gjyqtari i parë Fatos Lulo është shkarkuar në datën 23.03.2018. Nga kjo datë deri më sot, pra në harkun kohor të tre muajve janë verifikuar 16 gjyqtarë. Me këtë ritëm, duhen edhe rreth 8 muaj që 41 gjyqtarët dhe prokurorët e tjerë prioritarë të kalojnë në skanerin e trefishtë të Vetingut.
Ndërkaq, përfundimi i këtij procesi, i hap rrugë konstituimit të Këshillit të Lartë Gjyqësor dhe Këshillit të Lartë të Prokurorisë. Këtë organe përbëhen nga 11 anëtarë. Dhjetë anëtarë janë zgjedhur nga Parlamenti sipas një procedure ligjore. 12 anëtarë, nga gjashtë në secilin organ, zgjidhen nga gjyqtarët dhe prokurorët, sipas procedurave të parashikuara në ligjin nr. 115/2016 për organet e qeverisjes së sistemit të drejtësisë.
Ngritja e KLP dhe KLGJ janë vendimtare për të nisur procedurat për ngritjen e organeve të SPAK-ut. Sipas ligjit, brenda tre muajve nga ngritja e KLP dhe KLGJ, nisin procedurat për ngritjen e Byrosë Kombëtare të Hetimit, Prokurorisë së Posaçme dhe Gjykatave Speciale, të projektuar për të ndëshkuar korrupsionin dhe krimin në të gjitha nivelet.
Nëse nuk ka vonesa nga vetë shoqatat e gjyqtarëve dhe prokurorëve për të zgjedhur anëtarët e KLP-KLGJ si dhe nëse procesi i Vetingut ecën me këtë ritëm, duhet rreth një vit që të plotësohen këto dy kushte të reflektuara nga projektrezolutën e CDU/CSU e SPD.
Organet e SPAK-ut
Edhe për ngritjen e organeve të SPAK-ut duhet një kohë fizike e caktuar. Ligji parashikon kritere të forta dhe kontroll të rreptë për anëtarët që do të bëhen pjesë e këtyre organeve. Kandidati për gjyqtar dhe nëpunës civil gjyqësor në gjykatat e posaçme kundër korrupsionit dhe krimit të organizuar, për prokuror dhe personel administrativ në Prokurorinë e Posaçme, dhe për drejtor dhe hetues në Byronë Kombëtare të Hetimit duhet t’i nënshtrohet kontrollit të pasurisë dhe figurës.
Kandidati duhet të japë pëlqimin për kontrollin periodik të llogarive bankare dhe të telekomunikimeve vetjake, për të cilën kandidati plotëson dhe nënshkruan një deklaratë me shkrim. Gjithashtu, duhet dhënia e pëlqimit prej anëtarëve të afërt të familjes për kontrollin periodik të llogarive të tyre bankare dhe të telekomunikimeve vetjake, për të cilën anëtari i afërt i familjes plotëson dhe nënshkruan një deklaratë me shkrim. I gjithë ky proces kërkon një kohë të caktuar.
Komente
Lajme të tjera
-
‘Rikthehet’ Merkel: Të bëjmë çmos kundër përdorimit të armës bërthamore
25 Nëntor, 14:28
-
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
“Wir schaffen das”: Jehu i politikës së Merkelit në Ballkanin Perëndimor
27 Tetor, 18:26 -
Skulptura e Angela Merkel e ‘zhveshur’ në dëborë shkakton debat të fortë në Gjermani
20 Janar, 13:51 -
Gjermania në krizë buxhetore: Çfarë është në rrezik
25 Nëntor 2023, 08:29 -
Kina dhe Gjermania më shumë rivalë se sa partnerë
14 Korrik 2023, 09:27 -
Ish-kancelarja Merkel dekorohet me çmimin më të lartë të Gjermanisë, për 16 vitet e saj në krye të vendit
18 Prill 2023, 08:11 -
FOTOLAJM/ ‘Kënaqësi e privilegj’, Rama merr ekspertin e Merkel, do jetë këshilltari i kryeministrit për ekonominë e financat
11 Dhjetor 2022, 14:06 -
Angela Merkel mbron vendimet e saj për energjinë ruse
8 Dhjetor 2022, 09:18 -
Merkel: Nuk kisha 'forcë' politike për bisedime evropiane me Putinin para pushtimit
24 Nëntor 2022, 16:57 -
Procesi i Berlinit, nisin ministerialet përgatitore
20 Tetor 2022, 08:09 -
Merkel mbron vendimet e saj për furnizimet me gazin rus: Edhe gjatë Luftës së Ftohtë kanë furnizuar me energji
13 Tetor 2022, 18:36
Po e harron PLAKA EVROPE kontributin e ppopullit Shqiptar ne shekuj ne luften heroike kundra sulltaneve te turqise per mbrojtjen e krishterimit . Nuk duhet tr harroj PLAKA EVROPE kte sakrifice te pashembullt te kombit Shqiptare duke e shperblyer me hapjen negocjatave .
PërgjigjuNUK THUHET TROC SEPSE SI GJERMANET DHE HOLLANDEZET E FRANCEZET KA KULTURE POLITIKE SI MUND TE JAPIN PRONE PER NEGOCIATAT KUR VELLAI I MINISTRIT TE DREJTESISE ESHTE TRAFIKANT DROGE ISH MINISTRI TAHIRI DISPONONTE DY PATENTA SKAFI PER TE TRANSPORTUAR DROGE NE SHTETIN FQINJ KJO ESHTE ABSURTE KESAJ I THONE TE FLUTUROSH ME PRESHE ME AEROPLANIN E MUCKONJAVE
PërgjigjuTamam, per nje vit jane zgjedhjet per PArlamentin Europian. Macron kerkon qe te mos flitet perzgjerimderi atehere, Holanda ve veton se nukjane plotesuar akoma kushtet dhe Gjermania ve kushte qe duhet te pakten nje vit kohe èer t'i plotesuar. Edhe sikur t'i kishim plotesuar te gjitha,prape do gjenin sebebp per ta shtyre me nje vit punen, deri pas zgjedhjeve europiane.
Përgjigju