Infrastruktura e godinave arsimore në bashkinë e Kukësit vijon që të përballet me probleme, ndonëse administrata e bashkisë bën rikonstruksione të pjesshme me qëllim që nxënësit të vijpjnë procesin mësimor-edukativ.

Këto godina shpeshherë bien preh e dëmtimeve nga persona të papërgjegjshëm të cilët thyejnë dyert dhe dritaret, vjedhin kabinetet e informatikës apo dëmtojnë hapësirat e gjelbëruara rreth tyre.

Situata më problematike paraqitet në godinat arsimore në zonat rurale, por sipas bashkisë për këtë vit shkollor nga buxheti i bashkisë janë vënë në dispozicion  4.5  milionë lekë për ndërhyrjet që po kryhen.

Drejtuesit e shkollës dhe Shërbimet Publike,thonë se përgjegjës për dëmtimin e shkollës janë nxënësit dhe vetë komuniteti  ndërsa apelojnë  për ruajtjen e tyre.

Nga ana tjetër, riparimi i shkollave po sjell shpenzime të konsiderueshme nga buxheti i Bashkisë dhe në këto kushte do të merren edhe masa. 

Ndërkohë në të gjitha njësitë  administrative të Bashkisë përfshi edhe qytetin është punuar për rehabilitimin e shkollave ku përfshihen gjithë elementet përbërës si sovatime, sistemi hidraulik e elektrik, dyer, dritare, banka,stola e nyjeve higjeno-sanitare.

shkolla kukes
shkolla kukes
shkolla kukes
shkolla kukes
shkolla kukes


Redaksia Online
(F.T/shqiptarja.com)