POP 5

Lajmet më të lexuara të 5 minutave të fundit

Sociale

Kukës/ Drejt rrënimit godina e ish-filialit të UT-së, qytetarët: Kishte gjallëri dikur, sot në gjendje të mjerueshme

4 vite pas mbylljes, godina e ish-filialit të Universitetit të Tiranës në Kukës, po shkon drejt degradimit. Banorët shprehen se mbyllja e Universitetit ka ulur gjallërinë e qytetit. Sipas tyre, godina po rrënohet dita-ditës.

Objekti i ish-filialit  të Universitetit të Tiranës, në qytetin e Kukësit, që nga koha e mbylljes, katër vite më parë , është lënë në mëshirë të fatit, duke u kthyer në një vend  ku mbizotërojnë ferrat, mbeturinat, por edhe grafitet.

Pamjet që shihni, i përkasin ambienteve të jashtme të objektit, e cila për më shumë se 7 vite i shërbeu qindra studentëve, të cilët përfunduan arsimin e lartë, të nivelit Bachelor, të tre degëve: Infermieri, Gjuhë e Huaj dhe Administrim Biznes. 

E kisha si opsion, se Kukësi kishte më shumë gjallëri. Më shumë student, më shumë lëvizje më shumë punë. Ta shikosh tani në gjendje të mjerueshme. U organizuam me shoqërinë për ta pastruar se na ka ardhur keq për gjendjen ku ndodhet sot ky fakultet.

Shkëlqim Basha, ish student

Situata aktuale e objektit  është një këmbanë alarmi, se shumë shpejt ajo mund të degradohet , duke u kthyer në një objekt pa vlerë, për shkak të abandonimit që i kanë bërë institucionet e shtetit. Banorët e qytetit të Kukësit, por edhe Hasit, Tropojës dhe Pukës, të cilët studionin në këtë filial, ngritën zërin për rihapjen e tij, madje edhe Bashkitë dhe Këshilli i Qarkut, por ky vendim nuk u rishikua . 

Kjo ishte një gjë bashkëkohore për Kukësin, një e ardhme më e mirë. Sot, të gjithë pa Universitet, të gjithë kërkojmë të ikim të largohemi. Sillte ndryshim në përditshmëri.

Qytetar i Kukësit

Filiali i Universitetit të Tiranës në Kukës u çel në vitin 2007 me një numër të kufizuar studentësh. Vit pas viti, numri i tyre erdhi në rritje, ndërkohë që në vitin 2014, Ministria e Arsimit dhe Sportit vendosi mbylljen e tij.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu