POP 5

Lajmet më të lexuara të 5 minutave të fundit

Sociale

Kukës/ Festohet dita e Shën Gjergjit në Borje dhe fshatra të Gorës, i pranishëm dhe ambasadori bullgar

Në Borje dhe fshatrat e tjerë të Gorës të Kukësit u festua dita e Shën Gjergjit, festë kjo që kremton fundin e dimrit dhe ardhjen e pranverës.

Në Borje dhe fshatrat e tjerë të Gorës të Kukësit u festua dita e Shën Gjergjit, festë kjo që kremton fundin e dimrit dhe ardhjen e pranverës.

Në aktivitetet e zhvilluara në Borje nga Bashkia Kukës me rastin e kësaj feste ishte i pranishëm edhe Ambasadori Bullgar në vendin tonë Ivalio Kyrov I cili uroi për festën e Shën Gjergjit minoritetin bullgar të Shqipërisë.

E kthyer në një festë tradicionale, në këtë ditë të rinjtë e këtij fshati zhvilluan gara me kuaj, ndeshje sportive, si dhe kërcyen vallet tradicionale të zonës.

Kjo festë aq e dashur për vendasit, përveç karakterit ritual, përtëritjes së natyrës, ka fituar edhe karakterin e festës së të rinjve, duke u bërë pjesë e jetës së tyre.

Shën Gjergji kremtohet më 6 maj sipas kalendarit gregorian dhe shënon ardhjen e pranverës në mënyrën më festive të mundshme.

Në fshatin Borje, kjo ditë festohet në natyrë, ku banorët shijojnë ushqimet në sofrat e përbashkëta në lëndinat afër vendbanimit. Dita e Shën Gjergjit, sipas kalendarit Gregorian festohet më 6 maj, ndërsa sipas kalendarit Julian festohet më 23 prill.

G.K/N.Xh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A po jep rezultate lufta e SPAK ndaj grupeve kriminale?

Lajme të tjera



×

Lajmi i fundit

Vranësira dhe reshje shiu lokale, parashikimi i motit për sot

Vranësira dhe reshje shiu lokale, parashikimi i motit për sot

19 Maj, 07:23