POP 5

Lajmet më të lexuara të 5 minutave të fundit

Kultura

Kukës/ Historia e orës shekullore në xhaminë e Borjes, në komunizëm familja Dokle e shpëtoi nga shkatërrimi

Në xhaminë e Borjes në Kukës gjendet një orë e vjetër që i përket shekullit të 19-të. Banorët kanë arritur ta ruajnë edhe gjatë regjimit komunist kur u shkatërruan objektet e kultit. Historinë e tregojnë për ‘Report TV’, imami i xhamisë dhe drejtori i shkollës së fshatit.

Historia dhe tradita ruhen me fanatizëm në Borje të Kukësit, fshatin e thellë malor të banuar nga goranët. Simbol i ekzistencës së tyre është ora e xhamisë.

“Ruajtur riparuar dhe rivënë në punë nga familja Dokle si kontribut për xhaminë e re të Borjes. Kjo orë i është dhuruar xhamisë së vjetër të Borjes në çerek shekullin e XIX”, shkruhet në përshkrimin e objektit.

Nuk ka një datë të saktë, por sipas gojëdhënave orën e ka sjellë nga Sarajeva Ali Bin Tahiri në shekullin e XIX. Tregtari boshnjak ishte me origjinë nga Borja ndaj ia bëri dhuratë xhamisë së vjetër. Ndërsa me instalimin e regjimit komunist, xhamia u kthye në kooperativë bujqësore. Për ta shpëtuar nga shkatërrimi, orën bashkë me librat fetare i ruajti në shtëpinë e tij, patrioti Sejdi Dokle.

Drejtori i shkollës 9-vjeçare të Borjes, Novruz Mehmeti shprehet se “Flitet se ora ka ardhur këtu në vitet 1780. E ka sjellë në atë kohë një tregtar me origjine nga Borja, quhej Ali Bin Tahiri. Ai ka qenë me dyqane në Bosje-Hercegovine dhe sot e kësaj dite ka fis me mbiemrin e tij, Tahirovsi në Bosje”.

Ndërsa imami i xhamisë, Fation Kamberi tha se “në kohën e kooperativës kanë dashur ta shkatërrojnë, por e ruajtjen në familjen Dokle. Ka qenë Sejdi Dokle i cili tani nuk jeton më, që e ka marrë këtë orë dhe e ka fshehur nëntokë”.

Me rënien e komunizmit, u rindërtua xhamia e re e Borjes dhe stërnipat e Sejdi Dokles e risollën orën në vendin që i takon.  

“Në vitin 2006 është vendosur në funksion të kësaj xhamie. Vetëm kasa është e rregulluar e ndërtuar e re, kurse ora aktuale është siç ka qenë, 250-300 vjeçare”, u shpreh imami.

Ora me numra arab është funksionale dhe punon me kurdisje.

“Këto janë numrat arabe, vetëm kasa është e rregulluar e re. Është orë e kurdisje, nëse 12 here, tregon sinjalin sa është ora”, shpjegon ai.

Historia e kësaj ore tregon mënyrën si goranët ruajnë jo vetëm gjuhën e traditat por dhe objektet e vjetra.

“Ne si fshat e kemi simbol nga e vjetra dhe jemi shumë krenarë që e gëzojmë këtë orën”, shprehet mësuesi Novruz Mehmeti.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi/ Rezultati në Shkodër nëse do votohej sot, garë e fortë PD-PS, socialistët më të preferuar në Shqipëri, demokratët në emigracion

Sondazhi/ Rezultati në Shkodër nëse do votohej sot, garë e fortë PD-PS, socialistët më të preferuar në Shqipëri, demokratët në emigracion

25 Dhjetor, 21:22