POP 5

Lajmet më të lexuara të 5 minutave të fundit

Sociale

Nis puna për rikonstruksionin e rrugës që lidh fshatrat në Has me Kosovën

Është kërkuar prej vitesh por mesa duket Dobruna dhe disa fshatra të njësisë Golaj në Has do të kenë rrugën e asfaltuar dhe sipas standardeve. Fondi Shqiptar i Zhvillimit ka nisur punën për rikonstruksionin e kësaj rruge 8,5 kilometër e me një vlerë 1.2 milion euro.

Është kërkuar prej vitesh por mesa duket Dobruna dhe disa fshatra të njësisë Golaj në Has do të kenë rrugën e asfaltuar dhe sipas standardeve.

Fondi Shqiptar i Zhvillimit ka nisur punën për rikonstruksionin e kësaj rruge 8,5 kilometër e me një vlerë 1.2 milion euro.

Kryetari i bashkisë Has, Miftar Dauti tha se aktualisht po punohet me shtresat e nevojshme në trasenë e rrugës e më pas do të vijohet me asfaltimin e saj. 

Rruga u shërben fshatrave që shtrihen përgjatë vijës kufitare me Kosovën.

Për kryetarin e bashkisë, kjo rrugë do të ketë impakt pozitiv e që lidhet me zhvillimin e kësaj zone.

Dobruna dhe fshatrat e njësisë Golaj nuk do të jenë të vetmet përfituese për infrastrukturën rrugore. Kryetari i bashkisë tha se në qershor pritet të nis një tjetër investim i rëndësishëm për rrugen Gorozhup Pogaj, e cila financohet nga qeveria e Kosovës.

Fshtarat e zonave ndërkufitare janë shpopulluar vitet e fundit, por këto investime, sipas kryebashkiakut Dauti do të rikthejnë banorët e do ti japin përparësi turizmit, blegtorisë, bimëve medicinale etj. 

Bashkia e Hasit ka një gjatësi të konsiderueshme të vijës kufitare me Kosovën dhe synon të thithë sa më shume fonde nga BE të destinuara për projektet e bashkëpunimit ndërkufitar Shqipëri- Kosovë.

G.K/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Minella Aleksi: Historia nuk përsërit veten, njerëzit shpesh e bëjnë për mirë ose për keq

Minella Aleksi: Historia nuk përsërit veten, njerëzit shpesh e bëjnë për mirë ose për keq

28 Janar, 22:55 nga Minella Aleksi