POP 5

Lajmet më të lexuara të 5 minutave të fundit

Sociale

Kukës/ Tregu i gjësë së gjallë në krizë për blerës! Qytetarët: S’kemi lekë, vijmë shohim e ikim duarbosh

Bagëtitë në tregun e gjësë së gjallë në Kukës, nuk po blihen nga qytetarët për shkak të çmimit të lartë. Qytetarët thonë se çmimet janë të papërballueshme, fakt i pranuar edhe nga vetë tregtarët të cilët po vuajnë mungesën e shitjeve.

Tregtia e bagëtive, në pazarin e gjësë së gjallë në Kukës, ka nisur këtë prag fund-viti, por blerësit  mungojnë.

Shitje nuk ka thonë blegtorët pavarësisht se e diela është ditë pazari.

“Nuk ka ecur, shumë dobët. Nuk kanë lekë njerëzit, s’ka treg. Shumë dobët”, thotë një blegtor.

“Ka interes por nuk kanë lekë njerëzit me ble”, pohon një tjetër tregtar.

Ndërsa blerësit shprehen se çmimet janë të papërballueshme, dhe se janë rritur shumë gjatë tre vitet e fundit.

“Ne po shohim pazarin, ka shkuar shumë shtrenjtë, katastrofë. Ka njerëz që vijnë shohin dhe nuk marrin gjë. Shumë shtrenjtë. Cjapi 200 mijë lekë, dhia 150 mijë lekë, shumë shtrenjtë, ka njerëz që janë me ndihmë ekonomike nuk i përballojnë”, thotë një qytetar. 

Numri i krerëve të bagëtive në Kukës ka rënë ndjeshëm, kjo për shkak të emigrimit masiv, duke bërë që fuqia punëtore të jetë e moshës së tretë.

Zona e Kukësit shquhet për cilësinë e mishit, kullotat e pasura malore, me burime ujore, duke e bërë mishin e Kukësit më të kërkuarin në tregun shqiptar.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Dosja 'Sky ECC' në Greqi: Çfarë u zbulua për Aleksandër Sadikajn dhe si u transferuan në Spanjë 400 mijë euro nga Denis Grabocka

Dosja 'Sky ECC' në Greqi: Çfarë u zbulua për Aleksandër Sadikajn dhe si u transferuan në Spanjë 400 mijë euro nga Denis Grabocka

25 Dhjetor, 18:45