POP 5

Lajmet më të lexuara të 5 minutave të fundit

Kronikë

Kukës/ Dhunonte gruan dhe kanoste me armë zjarri fëmijët, në pranga 60- vjeçari! Sekuestrohen 3 armë zjarri dhe municion luftarak

Policia ka arrestuar një 60 vjecar, pasi ushtronte dhunë ndaj bashkëshortes së tij dhe kanoste fëmijët.

Policia e Kukësit, ka arrestuar ditën e sotme një 60- vjeçar, pasi ushtronte dhunë ndaj bashkëshortes së tij dhe kanoste fëmijët me armë zjarri.

Shërbimet e Komisariatit të Policisë Kukës kanë parandaluar një ngjarje të mundshme kriminale në familje, në fshatin Arrën, ndërsa kanë finalizuar operacionin policor të koduar "Reaction", ku në pranga ka rënë personi me inicialet R. S., 60 vjeç.

Gjatë kontrollit në banesën e tij dhe në vendin afër banesës, ku ai u kap në flagrancë, shërbimet e Policisë gjetën dhe sekuestruan 2 armë zjarri automatik, 1 armë zjarri pistoletë dhe një sasi municioni luftarak, të cilat u sekuestruan në cilësinë e provës materiale.           

“Shërbimet e Komisariatit të Policisë Kukës, pas njoftimit se një shtetas ushtronte dhunë ndaj familjarëve të tij dhe i kanoste ata me armë zjarri, kanë organizuar menjëherë punën për parandalimin e një ngjarjeje të mundshme kriminale. Si rezultat i ndërhyrjes së shpejtë dhe profesionale të shërbimeve të Policisë, në kuadër të operacionit policor të koduar “Reaction”, u bë arrestimi në flagrancë i shtetasit R. S., 60 vjeç, banues në fshatin Arrën”, njoftoi sot policia.

Materialet procedurale i kaluan Prokurorisë, për veprime të mëtejshme.

S.B/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

10 kuriozitete rreth Krishtlindjes të zgjedhura nga National Geographic

10 kuriozitete rreth Krishtlindjes të zgjedhura nga National Geographic

25 Dhjetor, 07:58