Një gol i të përhershmit Pero Pejiç ka mposhtur Flamurtarin në ndeshjen e javës së 33-të të Superligës dhe tashmë verilindorët janë vetëm tre ndeshje larg titullit të parë në histori.
Pejiç shënoi golin e vetëm të ndeshjes në minutën e 33-të me goditje dënimi të cilën e fitoi po vetë. Vlonjatët nuk u dorëzuan dhe provuan të barazojnë por Kukësi ruajti fitoren deri në fund duke mposhtur Flamurtarin 1-0.
Më në fund Tirana rikthehet tek fitorja. Pas 15 ndeshjeve bardheblutë marrin tre pikë të arta duke mposhtur Korabin 2-0.
Spektakël ka pasur në duelin për vendin e katërt mes Vllaznisë dhe Luftëtarit.
Përballja në “Loro Boriçi” dhuroi emocione dhe u mbyll në barazim 2-2 me gjirokastritët që mbajnë vendin e katërt.
Redaksia Online
l.q/Shqiptarja.com