Kukësi bie në Durrës, Vllaznia 'poker' kundër Skënderbeut. Bylis fiton me goleadë

Janë zhvilluar sot katër nga 5 ndeshjet e Superligës për javën e gjashtë ku surprizat kanë qenë tepër të mëdha. Në Durrës Teuta ka treguar se është një skuadër për titull kampion pasi ka mposhtur me shifrat 1-0 Kukësin kryesues. Në Niko Dovana autori i golit trepikësh ishte Kallaku, që në të 84 realizoi me penallti.

Ndërkohë në Shkodër, ekzaktësisht në Loro Boriçi Vllaznia ka shkatërruar me shifrat 4-0 Skënderbeun, që javët e fundit isshte paraqitur një ekip solid. Për ekipin e Jonuz realizuan Lika dy herë me penallti, Zogaj dhe Hygor. Për Vllazninë kjo ishte fitorja e parë pas katër javësh

Surpriza më e madhe ka ardhur në Ballsh, aty ku Bylis ka bërë tërmet kundër Flamurtarit. Vendasit kanë fituar 5-0 falë golave të Qardaku, Goxhaj, Ntepe dy herë dhe Guindo. Për vlonjatët kjo ishte një tronditje e madhe pas pikës së parë që arritën të siguronin në kampionat javën e shkuar.

Ndërkohë në Gjirokastër, Luftëtari ka siguruar një pikë falë rezultatit 1-1 kundër Laçit. Fillimisht realizuan vendasin me Rapon, ndërsa Nuaubueze baraspeshoi gjithçka në minutën e 90 me penallti.

Ne.k./Shqiptarja.com
Komento