X

POP 5

Lajmet më të lexuara të 5 minutave të fundit

Sport

Kukësi e cilësoi arbitrin Kola kamikaz, Josa preferon të mos komentojë! Duro: Laçi mori fitore të merituar (VIDEO)

Trajneri i Kukësit Mirel Josa është distancuar nga akuzat e rënda që klubi ka bërë ndaj arbitrit në ndeshjen me Laçin. Ndërkohë kurbinasit i janë gëzuar tej mase fitores, duke deklaruar se tani do të luftojnë fort për titullin.

Problemi më i madh i Kukësit gjatë këtij sezoni duket se është vazhdimësia. Verilindorët të mërkurën humbën 1-2 kundër Laçit, por në përfundim të ndeshjes bënë akuza të forta për arbitrin. Ata e cilësuan si kamikaz Klajdi Kolën për penalltinë e dhënë në favor të Laçit, që rezultoi edhe vendimtare për rezultatin. Kukësi shkoi më tej duke deklaruar se FSHF dhe Liga Profesioniste e kanë zgjedhur qëllimisht për t’i dëmtuar. Gjithsesi në përfundim të takimit trajneri i Kukësit Mirel Josa zgjodhi të mos e komentonte këtë episode, duke deklaruar:

“Penalltia është kompetencë e njerzëve që drejtojnë ndeshjen, por edhe që gjykojnë ndeshjen, arbitrat.”

Ndërkohë në kampin kundërshtar trajneri i Laçit Shpëtim Duro shprehet tejet i lumtur për fitoren, që e ngjiti skuadrën e tij në vendin e dytë së bashku me Teutën, me 1 pikë më pak se Vllaznia.

Shpëtim Duro: “Shumë e rëndësishme, sepse ishte ndeshje që luhej jashtë fushës tonë dhe Kukësi është një kundërshtar me shumë kualitete pavarësisht pozicionit ku ndodhet.”

Më tej te Laçi presin që pjesa e mbetur e kampionatit të jetë tejet e luftuar.

Shpëtim Duro: “Tani jemi totalisht në valle me Vllazninë, Teutën dhe Partizanin. Jemi afër dhe kush do të menaxhojë më mirë deri në fund do t’ia dalë. Do jetë një luftë e ashpër.”

Regi Lushkja, futbollist i Laçit: “Ishim shumë pikë mbrapa Vllaznisë dhe tani e shohim vetën një pikë mbrapa. Mendoj se kampionati është më i hapur se kurrë.”

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Ambasadori i Rusisë në Tiranë largohet nga Shqipëria, ja kush e zëvendëson

Ambasadori i Rusisë në Tiranë largohet nga Shqipëria, ja kush e zëvendëson

26 Prill, 18:29