Në një prononcim për mediat Ton Doshi shprehet se do të kontribuoj që brenda vitit të rindërtohet shtëpia dhe tashmë sipas tij do të jetë 3-katëshe.
“Unë kam ardhur në Vermosh për dy arsye e para sepse është mburrur e gjithë Malasia me emrin e Prek Calit jemi mburrë edhe ne si fis edhe unë si kushëri i tij .Ata që mendojnë se Prek Cali s'ka lënë njeri mbrapa e kanë gabim, njëri nga ata jam unë,Unë do ta mbroj. Më vjen keq për këta burrra që i pashë me lot në sy, kjo ishte nja pabesi e dy personave që i keni votuar si deputeti edhe kryetari i bashkisë, Turp por kjo na bashkon të gjithë ata që jetojnë këtu dhe ata që jetojnë në diaspor. Ju kërkoj fale atyre që kontribuan për ndërtimin e kësaj shtëpie, por i garantoj se kjo shtëpi do të rindërtohet, unë do të kontribuoj për projektin shtëpia do të bëhet me tre kate,jo me dy sic ishte planifikuar do të bëhet edhe busti i Prek Cali, me shpresë do të gjejmë edhe eshtrat do të bëjmë varrin e Prek Calit. Këtë vit do të rindërtohet shtëpia e Prek Calit është krenaria e Malësisë së Madhe,e Shqipërisë, është hero kombëtar e kanë njohur 7 shtete nuk mund tia heqin emrin një polic dhe një kamerier që keni zgjedhur”shprehet Tom Doshi.
Në faqen e tij në “Facebook”, Doshi po ashtu ka shprehur keqardhje për ngjarjen, si dhe për mundin e komunitetit shqiptar të Amerikës, që kontribuoi financiarisht për punimet e bëra, duke i kërkuar falje në emër të të gjithë shqiptarëve.
Postimi i Doshit:
Siç jeni informu nga media, janë prish punimet që kishin fillu për rindërtimin e shpisë së Prek Calit në Vermosh...Në veçanti më vjen keq për mundin e komunitetit shqiptar të Amerikës që kontribun financiarisht për punimet që ishin ba deri dje dhe i kerkoj falje në emën të tan shqiptarëve.
Pikërisht, ata që do të duhej ta kishin mbrojtë shtëpinë e prijësit dhe të mbrojtësit të tokave shqiptare, heroit Prek Cali, e rrafshuen edhe atë që kishte mbetë në kambë.
Ky akt barbar turpnon ata që i kanë marrë votat malsorëve dhe tregon se urrejtja ndaj qëndrestarëve antikomunista si Prek Cali nuk ka fund.
Un i premtoj mbështetësve dhe bashkëqytetarëve te mij, se shtëpia e Prek Calit do të ndërtohet ashtu siç ka kene dikur, kurrkush nuk mund ta mposhtë kujtimin e atij burri të kombit. Un vetë si kushri i tij, si deputet dhe si qytetar, ju jap fjalën që shtëpia e Prek Calit do të ndërtohet trekatëshe për Vitin e
Skënderbeut.
Me respekt,
Tom Doshi
![doshi fb](http://www.shqiptarja.com/foto/302337.jpg)
Paloka sulmon Tom Doshin
Deputeti i Partisë Demokratike, Edi Paloka, është bërë e debatit për prishjen e shtëpisë së Prek Calit në Vermosh.
Në reagimin e tij në faqen zyrtare në “Facebook”, Paloka sulmon deputetin e PSD, Tom Doshi, teksa shkruan se pasi votoi për kryeministrin, Ruçin dhe Xhafajn, pinjollët e Sul Bushatit e Llambi Gegpriftin, “zbuloi” papritur se këta i urrejnë antikomunistët, kur prishën kullën e Prek Cailit.
“Toma ,pasi u zgjodh deputet me siglen e Gjinushit, pasi votoi per kryeminister birin e Kristaqit dhe nipin e Spiro Kolekes, pasi votoi per Rucin dhe Xhafajn, pasi votoi pinjollet e Sul Bushatit e Llambi Gegpriftit...papritur "zbuloi" se keta i urrekan antikomunistet ,kur prishen kullen e Prek Calit...”, shkruan Paloka.
![paloka fb](http://www.shqiptarja.com/foto/302336.jpg)
Redaksia Online
D.Ç./Shqiptarja.com
![](https://www.shqiptarja.com/template/img/sh_logo1.png)