LUSHNJE- Një 50- vjeçar ka përfunduar në pranga në fshatin Ballagat të Lushnjes, pasi në oborrin e shtëpisë kishte kultivuar kanabis. Mësohet se i arrestuari është Tasim Balla, 50 vjeç ndërkohë që  djali i tij, S.B, 24 vjeç është shpallur në kërkim nga uniformat blu.

Sipas burimeve zyrtare nga policia,  në oborrin e banesës së Tasim Ballës janë gjetur të kultivuara 32 bimë kanabis, ndërsa nga kontrollet e ushtruara është sekuestruar edhe një sasi prej 5 kilogramës kanabis, e cili ishte në proces tharjeje.

Njofitmi i policisë:
Në vijim të punës për parandalimin e kultivimit dhe prodhimit e shitjes së lëndëve narkotike, policia e Lushnjes evidenton një tjetër rast. Asgjesohen 32 bimë Cannabis Sativa dhe sekuestrohen 5 kg lëndë narkotike Cannabis Sativa. Ndalohet nga policia një prej autorëve të dyshuar, shpallet në kërkim një tjetër.

Specialistët për Hetimin e Krimeve në Komisariatin e Policisë Lushnje, ndaluan shtetasin:

1.Tasim Balla, 50 vjeç, banues në fshatin Ballagat, Lushnje.

Gjithashtu u shpall në kërkim dhe po punohet për kapjen e shtetasit:

2. S.B, 24 vjeç (djali i shtetasit Tasim Balla).

Gjatë kontrollit nga Efektivët e Policisë, në oborrin e banesës së tyre në fshatin Ballagat, u gjetën të mbjella 32 bimë narkotike të dyshuara Cannabis Sativa dhe rreth 5 kg lëndë narkotike dyshuar Cannabis Sativa në proçes tharje.

Materialet i kaluan Prokurorisë pranë Gjykatës së Shkallës së Parë Lushnje për veprat penale "Prodhimi dhe shitja e narkotikëve" dhe "Kultivimi i bimëve narkotike" parashikuar nga Nenet 283/2, 284/2 të Kodit Penal.
droge lushnje
Redaksia Online
D.T/Shqiptarja.com