Kultivonin kanabis në Spanjë, policia spanjolle shkatërron grupin e përbërë nga shqiptarë, serbë dhe spanjollë

Policia spanjolle ka goditur një organizatë kriminale të përbërë nga persona me kombësi serbe, shqiptare dhe spanjolle që dyshohet se i merreshin me kultivimin intensiv të marijuanës, paketimit dhe transportit nga provinca e Malaga-s. Agjentët arrestuan pesë anëtarët e dyshuar të rrjetit dhe tre prej tyre janë burgosur.

Operacioni, i quajtur 'Llinas', është pjesë e aksioneve të Gardës Civile për t'iu përgjigjur kultivimit dhe trafikut të paligjshëm të marijuanës dhe trafikut të drogës, njoftoi Benemérita në një deklaratë.

Hetimi filloi në nëntor 2022 kur u mësua për vendbanimin në Alhaurín el Grande (Málaga) të një grupi personash me origjinë ballkanike. Ata kishin marrë me qira një shtëpi të izoluar rurale ku do të zhvillohej kultivimi i marijuanës në shtëpi, raportojnë mediat e huaja.

Sipas tyre në këtë shtëpi, e cila kishte qenë e lidhur ilegalisht me rrjetin elektrik, ndodheshin pothuajse përgjithmonë dy anëtarë të organizatës, të cilët supozohej se ishin të përkushtuar në kultivimin dhe mbikëqyrjen e saj.

Kjo organizatë kishte krijuar një kompani automjetesh me qira për të kryer aktivitetet e saj kriminale, e cila kishte një flotë prej jo më shumë se pesë automjete pa reklama komerciale, gjë që i bëri agjentët të dyshonin se “qëllimi i vetëm i kompanisë ishte furnizimi i grupit kriminal me automjete, duke e përdorur për të ndërruar shpesh automjetet dhe për të vështirësuar kështu punën e policisë.

Ky rrjet mbante kontakte të shpeshta me organizata të tjera kriminale në provincat fqinje si Sevilja dhe Cádiz, duke u zhvendosur gjithashtu në Zaragoza dhe Madrid dhe në jug të Portugalisë.

Në dy kontrollet e kryera në qytetet Alhaurín el Grande dhe Marbella, ku banonte kreu i dyshuar i organizatës kriminale dhe pronari i agjencisë së makinave me qira, u sekuestruan 148 kilogramë marijuanë, 2040 euro cash dhe disa automjete.

Pesë anëtarët e këtij rrjeti janë arrestuar për kryerjen e dyshuar të veprës penale të trafikut të lëndëve narkotike, anëtarësimit në organizatë kriminale dhe mashtrimit të energjisë elektrike.

S.S/S.G/Shqiptarja.com

TAG:
• spanje
• shqiptaret
• serbët
• kanabis