Kultivonte bimë narkotike në oborrin e shtëpisë, arrestohet 53-vjeçari në Berat

BERAT- Një 53-vjeçar ka rënë në pranga në Berat pasi është konstatuar se kultivonte bimë narkotike kannabis. Referuar burimeve zyrtare nga Policia e Beratit mësohet se 53-vjeçari është identifikuar me inicalet I. S, banues në Osmëzezë.

53-vjeçari e kultivonte drogën në oborrin e shtëpisë së tij dhe ajo u zbulua pas kontrollit të ushtruar nga policia e për pasojë ra në pranga. Ndaj tij rëndën akuza për veprën penale "Kultivim i bimëve narkotike".

"Shërbimet e Policisë Berat, në bazë të informacioneve të siguruara, në vijim të kontrollit të territorit, me qëllim evidentimin dhe goditjen e rasteve të tentativës për kultivim të bimëve narkotike, kanë evidentuar në fshatin Osmëzezë, Berat, kubikë me fidanë të dyshuar cannabis sativa.  

LEXO EDHE:
Ndërron jetë Mitropoliti i Beratit, Vlorës dhe Kaninës, Imzot Ignati

Në përfundim të veprimeve të para hetimore, specialistët për Hetimin e Krimeve në Komisariatin e Policisë Berat arrestuan në flagrancë shtetasin I. S., 53 vjeç, banues në Osmëzezë, pasi gjatë kontrollit në oborrin e banesës së tij u gjetën kubikët me fidanë të dyshuar cannabis sativa.  

Materialet i kaluan Prokurorisë së Rrethit Gjyqësor Berat, për veprime të mëtejshme", shkruhet në njoftimin e Policisë.

SI.E./Shqiptarja.com

TAG:
• Berat
• policia e beratit