POP 5

Lajmet më të lexuara të 5 minutave të fundit

Kronikë

Kultivuan 980 rrënjë kanabis në malin e Tomorit, dy në pranga! Në hetim kryeplaku dhe inspektori i pyjeve në fshatin Novaj

Dy persona kanë rënë në pranga në Skrapar, pasi gjatë kontrolleve policia ka gjetur 980 rrënjë kanabis të kultivuara në malin e Tomorit. Në pranga kanë rënë Mariglen Babaliu, 43 vjeç, dhe Dorjan Laze, 33 vjeç.

SKRAPAR- Dy persona kanë rënë në pranga në Skrapar, pasi gjatë kontrolleve policia ka gjetur 980 rrënjë kanabis të kultivuara në malin e Tomorit. Në pranga kanë rënë Mariglen Babaliu, 43 vjeç, dhe Dorjan Laze, 33 vjeç.

Lënda narkotike u gjet e kultivuar në një zonë të pyllëzuar, në fshatin Novaj, ndërkohë që janë vënë në hetim edhe kryeplaku dhe inspektori i pyjeve

“Shërbimet e Komisariatit të Policisë Skrapar, si rezultat i një hetimi me metoda proaktive, të ndjekur në bashkëpunim me Prokurorinë e Beratit, në bazë të informacioneve të siguruara nga inteligjenca policore, për një rast të kultivimit të bimëve narkotike, në fshatin Novaj, Skrapar, kanë finalizuar fazën e tretë të operacionit policor anticannabis të koduar “Tomorri”. Në kuadër të kësaj faze, në territorin e fshatit Novaj, u gjetën të kultivuara 980 bimë cannabis sativa, të cilat u asgjësuan nga shërbimet e Policisë, nëpërmjet djegies”, njofton policia.

Gjatë kontrollit në banesat e dy të arrestuarve, u gjetën dhe u sekuestruan me cilësinë e provës materiale, 2 radio marrëse-dhënëse. Policia bën me dije se më herët gjatë operacionit ‘Tomori’ janë asgjësuar edhe 2105 rrënjë kanabis.

Vihen në pranga 2 autorët e dyshuar të kultivimit të këtyre bimëve narkotike. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Tërmet në Napoli, njerëzit e frikësuar dalin në rrugë

Tërmet në Napoli, njerëzit e frikësuar dalin në rrugë

27 Prill, 10:08