Sektori i Kulturës Kombëtare Dibër në  vazhdimesi të nismës  "Miku i Monumenteve", në bashkëpunim me Fondacionin Arsimor Shqiptar, organizoi sot  nje aktivitet me nxënësit e gjimnazit "Seit Najdeni" ne Peshkopi.
Në ambjentet e kalasë së Grezhdanit, specialistët e sektorit të Dibrës, zhvilluan këtë aktivitet me qëllim sensibilizimn e të rinjve për mbrojtjen, ruajtjen dhe promovimin e trashëgimisë kulturore të Dibrës
Foto gjatë aktivitetit të sotshëm
Specialistët e sektorit të Dibrës së bashku me nxënësit e gjimnazit "Seit Najdeni"  inspektuam pjesën më të madhe te kalasë, dhe gjatë insepktimit  ju shpjeguan dhe historisnë e  prejardhjes dhe historine e kalasë.
Pas inpektimit,  Fondacioni Arsimor Shqiptar organizoi një koktejl afër kalasë së Grezhdanit, gjithashtu edhe një aktivitet sportiv pranë shkollës 9-vjeçare Dovolan. Kështjella e Grezhdanit ndodhet rreth 11 kilometra në Jug-lindje të qytetit të Peshkopisë, pranë fshatit të Maqellarës.
Kalaja i takon Shek. të IV, gjatë periudhës së vonë romake. Gjatë Mesjetës, ajo supozohet të ketë qenë Kalaja e Stefigradit, e cila ke qenë nën kontrollin e Heroit Kombëtar Shqiptar, Skënderbeut. Kalaja e Grezhdanit  ndodhej në një pikë strategjike,  duke e lidhur rajonin e Dibrës me Kosovën dhe Maqedoninë. Ajo u shpall njëmonument historik në vitin 1963 dhe mbulon një sipërfaqe prej 34 hektarësh.
/atsh/