POP 5

Lajmet më të lexuara të 5 minutave të fundit

Sociale

Kumbaro në Velipojë/ Ndryshim rrënjësor, dyfishojmë ekipet njerëzore dhe pajisjet për pastrimin 24 orë në 24

Në vijim të turit inspektues në nisje të sezonit turistik veror 2024, ministrja e Turizmit dhe Mjedisit zhvilloi disa takime në Shkodër, bashki që këtë vit do të mbështetet nga Agjencia Kombëtare e Bregdetit në pastrimin e bregdetit, si pjesë e operacionit “Plazhe të Pastra”.

Kumbaro në Velipojë/ Ndryshim rrënjësor, dyfishojmë ekipet njerëzore dhe pajisjet për pastrimin 24 orë në 24

Ministret Kumbaro dhe Spiropali në Velipojë me kryebashkiakun e Shkodrës, Benet Beci

Në vijim të turit inspektues në nisje të sezonit turistik veror 2024, ministrja e Turizmit dhe Mjedisit zhvilloi disa takime në Shkodër, bashki që këtë vit do të mbështetet nga Agjencia Kombëtare e Bregdetit në pastrimin e bregdetit, si pjesë e operacionit “Plazhe të Pastra”.

Ministrja Kumbaro inspektoi vijën bregdetare të Velipojës shoqëruar nga kryetari i Bashkisë Shkodër Benet Beci dhe ministrja e Shtetit për Marrëdhëniet me Parlamentin Elisa Spiropali.

Ministrja Kumbaro u shpreh se në Velipojë është bërë një ndryshim shumë i dukshëm për sa i përket punës për lirimin e hapësirave publike dhe sistemimit estetik të zonës, por parashikimet për flukse turistike rreth 40% më të larta këtë sezon veror, kërkojnë një koordinim ndërinsitucional për menaxhimin e suksesshëm të tij.

“Pasi kemi bërë gjithë punën koordinuese mes dy ekipeve për sa i përket operacionit “Plazhe të pastra” që fillon që me 15 qershor deri më 15 shtator. Jam shumë e kënaqur që e mbështesim bashkinë e Shkodrës këtë vit duke dyfishuar gjithë forcat edhe ekipet njerëzore e pajisjet me pastrimin 24 orë në 24 në të shtatë ditët e javës në gjithë vijën e bregdetit.

Është për t’u përgëzuar që kur e krahasoj me dy vite më parë, është një pamje komplet tjetër, sidomos për sa i përket çlrimit të hapësirave publike duke nisur nga kjo shëtitore”, u shpreh ministrja Kumbaro.

Nga ana e tij, kryetari i Bashkisë Shkodër Benet Beci u shpreh se bashkëpunimi me Ministrinë e Turizmit dhe Mjedisit përmes Agjencisë Kombëtare të Bregdetit për pastrimin e vijës bregdetare, do ta ndihmojë Velipojën të arrijë standarde maksimale të pastërtisë këtë sezon.

“Lirimi i hapësirave publike ka krijuar një lloj pastrimi të mbetjeve që ka pasur përgjatë shëtitores. Sot kemi 40% plazhe publike dhe kemi krijuar një model të administrimit të plazhit publik që do të aplikohet edhe në 5 të tjera. Bashkëpunimi me Ministrinë për çështjen e pastrimit është diçka e domosdoshme dhe besoj këtë vit do të kapim standardet më të larta”, u shpreh kryebashkiaku i Shkodrës.

Ministrja Spiropali vuri në dukje rritjen turistike të shpejtë të Shkodrës si dhe rritjen e shërbimeve e investimeve në këtë sektor.

“Me rritjen e fluksit të turizëm në Shkodër që do vijë duke u shtuar me të gjitha shërbimet, vëmnedjen që i jepet, investimeve dhe sfida kjo është, të përballosh këtë fluks duke siguruar mjedisin e duhur”.

Operacioni “Plazhe të Pastra” ka hyrë në vitin e tretë të tij dhe gjatë këtij sezoni veror do të mbështesë 7 bashki në pastrimin e plazheve: Himarën, Sarandën, Vlorën, Rrogozhinën, Kavajën, Durrësin dhe Shkodrën.

G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu