POP 5

Lajmet më të lexuara të 5 minutave të fundit

Sport

Kundër vendimit të gjykatës, Duka mban nesër zgjedhjet për president! FSHF akrediton vetëm mediat preferenciale

Në paligjshmëri të plotë dhe me një president të pezulluar nga Gjykata, Federata Shqiptare e Futbollit mban nesër zgjedhjet për presidentin e ri. Armand Duka synon një mandat të gjashtë, ndërsa procesin zgjedhor ka lejuar ta ndjekin vetëm disa media në mënyrë preferenciale, në shkelje të transparencës.

Federata Shqiptare e futbollit mban nesër zgjedhjet për presidentin e ri dhe anëtarët e Komitetit Ekzekutiv, në shkelje të plotë të ligjit. Kjo sepse vendimi për mbledhjen e asamblesë zgjedhore, u mor më 2 mars, nga një tjetër asamble jo e ligjshme, për shkak se në atë kohë kishte një vendim gjykate që nuk e lejonte FSHF-në të organizonte procesin zgjedhor. Për rrjedhojë edhe 15 marsi është i paligjshëm, ndërsa pritet ndërhyrja e gjykatës, pasi asambleja të bëhet fakt.

Zgjedhjet që nisin në orën 10 në zyrat e federatës, vijnë në mungesë të plotë transparence, pasi zyra e Dukës refuzon praninë e disa mediave për pasqyrimin e procesit zgjedhor. Në mënyrë preferenciale Federata Shqiptare e Futbollit ka përzgjedhur disa media dhe ka lënë jashtë disa të tjera, përfshirë Report Tv e Shqiptarja.com.

Mungesa e transparencës është një ndër shkeljet e shumta të FSHF-së pas denoncimeve të shumta për manipulime në zgjedhjet e shoqatave rajonale të futbollit, me qëllim që Duka të Marrë mandatin e gjashtë.

Shoqata rajonale kanë gati 50% të votave, ndërsa në total janë 55 delegatë me të drejtë vote, 26 klube, 26 përfaqësues të shoqatave dhe 3 përfaqësues të mjekëve sportivë, arbitrave e trajnerëve.

Kandidatë për kreun e ri të FSHF përveç Armand Dukës, i cili synon mandatin e gjashtë, është gazetari Dritan Shakohoxha, por edhe trajneri Sulejman Starova.

Për t’u theksuar edhe fakti se Armand Duka konkuron në këto zgjedhje si kreu i pezulluar i FSHF-së për shkak të masës së vendosur nga gjykata e Tiranës, pasi akuzohet për shpërdorim detyre dhe falsifikim dokumentash. Në të njëjtën kohë masa e pezullimit është vendosur edhe për sekretarin e përgjithshëm të federatës Ilir Shulkun.

Ne.k./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • fiti: 14/03/2022 13:15

    fifa dhe uefa kan gjykatat e veta dhe nuk njohin asnje vendim te gjykatave politike shqiptare ndaj qetesohuni se kete ishull nuk e merrni dot

    Përgjigju
  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Spahiu: Vota e Diasporës do i bëjë gropën Opozitës, pas zgjedhjeve PD do kërkojë heqjen e saj!

Spahiu: Vota e Diasporës do i bëjë gropën Opozitës, pas zgjedhjeve PD do kërkojë heqjen e saj!

23 Janar, 23:03