Receta

Kungulleshka të mbushura me mish të grirë dhe oriz nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 6 Mars 2023, 11:49 | Përditesimi: 6 Mars 2023, 11:53

Kungulleshka të mbushura me mish dhe oriz

Përbërësit:

1 kg kunguj
3 qepë
500 gr mish i grirë
2 lgj oriz
2 lgj vaj ulliri
1 lgj gjalpë
3 domate

Për salcën:

LEXO EDHE:
Pulë me oriz në furrë nga zonja Albana

4 lgj salcë e koncentruar
1 spec i kuq
1 karrotë
3 thelpinj hudhër
2 lgj vaj ulliri
1 tufë majdanoz
Kripë, piper i zi

Përgatitja:

Kaurdisim qepën e grirë mesatarisht në yndyrë duke i shtuar kripë që ta zbusim. Sapo qepa të bëhet transparente shtojmë mishin e grirë, e kaurdisim dhe shtojmë pak ujë që të marrë valë. E lemë rreth 10 minuta të gatuhet dhe më pas shtojmë orizin, kripën, piperin e zi dhe salcën, produktet e së cilës i kemi kaluar në blender.

Kungujve u kemi hequr pjesën e brendshme të cilën e shtojmë tek mbushja. Vendosim në tavë si bazë një shtresë me salcën e domates. Vendosim kungujt të cilët i mbushim me için e përgatitur. Vendosim mbi mbushje nga një fetë domate. Tavën e vendosim në furrë në temperaturën 200 gradë Celsius për 40 minuta. Në 10 minutëshin e fundit shtojmë pak djathë kaçkavall të grirë.

MC/Shqiptarja.com

TAG: