Tirana e ka fituar 14 herë kompeticionin, Flamurtari tri herë, ndërkohë që Skënderbeu dhe Kastrioti nuk e kanë fituar asnjëherë, madje për krutanët kjo është hera e parë që merr pjesë midis katër më të mirave.
Shorti u hodh në ambientet e Federatës Shqiptare të Futbollit dhe u drejtua nga shefi i Sektorit të Garave, Ilir Shulku. Të katër klubet u përfaqësuan nga drejtues të lartë të tyre: Alban Tafaj për Tiranën, Geri Cipi për Flamurtarin, Ilirjan Përmeti për Skënderbeun dhe Petro Kumi për Kastriotin, të cilët bënë më pas edhe komentet e para për shortin.
Sipas skemës së paracaktuar, ekipi 1 (Flamurtari) do të luajë dhe do të presë në shtëpi ekipin 2 (Tirana). Ekipi 3 (Skënderbeu) do të presë ekipin 4 (Kastriotin). Takimet gjysmëfinale do të luhen, më 4 prill dhe 18 prill. Finalja do të luhet, më 19 maj 2012.