POP 5

Lajmet më të lexuara të 5 minutave të fundit

Sport

Kuqezinjtë pritje si heronj, Cana:
Dhunë brutale,luajtëm kokëlartë!

Mberriti rreth ores 03:30 ekipi kombetar ne Rinas, u prit nga mijera tifoze. Kapiteni Cani sqaroi per mediat incidentin: Nuk na sulmuan vetem tifozet por edhe siguria serbe. Me ekipin serb marredhenie te mire, te ruhen marredhenie te mira mes dy vendeve do i kemi gjithmone fqinje! Vendimi per nderprerjn e ndeshjes u mor unanimisht mes paleve. "Ne 40 minuta loje performuam kokelarte". VIDEO
TIRANE - Vërtet Shqipëria nuk pati mundësi të kishte mbështetjen e tifozëve në stadiumin Partizani në Beograd, por në aeroportin “Nënë Tereza” mbi 3 mijë tifozë e shndërruan si asnjëherë më parë Rinasin në një stadium të vërtetë për të pritur rreth orës 03:30 të mëngjesit lojtarët e kombëtares sonë.
 
Menjëherë pas zbritjes në aeroportin e Rinasit, Presidenti i Federatës Armando Duka, trajneri Gianni De Biasi si dhe kapiteni Lorik Cana të shoqëruar edhe nga zëvendëskryeministri Niko Peleshi dhe Ministrja e Arsimit dhe Spoteve Lindita Nikolla, dhanë një konferencë të përbashkët për shtyp. 
 
Kapiteni Lorik Cani, protagonist i sulmeve dhe dhunës ndaj ekipit kombëtar, rrëfeu para mediave gjithçka ndodhi në fushën e Beogradit në ndeshjen me Serbinë e cila u detyrua të ndërpritej pas dhunës së tifozëve mbi futbollistët kuqezinj.
 
lorik cana
Cana tha se lojtarët e ekipit tonë kombëtarë nuk janë dhunuar vetëm nga tifozët, por edhe nga punonjësit e sigurisë. Sipas kapitenit të kuqezinjve tashmë i mbetet UEFA-s të vlerësojë videot e dhunës në fushën e stadiumit të Beogradit dhe të marrë masa. Por për Canën në 40 minuta lojë, Shqipëria luajti me kokën lart, dhe shembulli që lojtarët tanë dhanë pas dhunës në fushë, sipas Canës tregoi rrugën e bashkuar që duhet të ndjekin të gjithë.
 
Kapiteni i kombëtares shqiptare u kujdes të saktësojë se marrëdhëniet mes dy ekipeve, Serbisë dhe kombëtares sonë ishin të mira, duke shtuar se disa lojtarë serbë u trishtuan për këtë situatë. Sipas Canës dhuna brutale e ndodhur në fushën e gjelbër nuk duhet të ndikojë marrëdhëniet diplomatike mes dy vendeve, sepse sipas Canës, në fund të fundit: Do t’i kemi fqinj gjithmonë!

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

11 Janar, 22:59