POP 5

Lajmet më të lexuara të 5 minutave të fundit

Kultura

‘Kur kthehem në Shqipëri është sikur kthehem në fëmijëri’, balerini i njohur flet për lidhjen me atdheun: Origjinën nuk e kam fshehur kurrë

 

Ndonëse i lindur dhe i rritur në Francë, ndjenja e atdhedashurisë e ka shoqëruar Angjelin Preljocajn, në çdo hap të karrierës së tij.

Balerini i njohur në mbarë botën, rrëfeu në podcastin e kryeministrit Rama, se gjithmonë ka pasur ndjesinë e përkatësisë shqiptare dhe që në fillesat e karrierës e ka pohuar gjithmonë me zë të lartë dhe nuk e ka fshehur kurrë origjinën e tij.

“Shqipëria është pak si shtëpia ime. Është si zgjatim i ndjesisë familjare. Është shtëpia ime në kuptimin që ishte dikur shtëpia në periferinë franceze, ku ishte shtëpia ime, por nuk ishte Franca, ishte si vazhdim i shtëpisë tonë në Shqipëri, pra është një shtrirje e tillë, dhe tani ndjesia është që vendi ndodhet brenda meje, dhe sa herë që kthehem është si të kthehem në shtëpi, si të kthehem në fëmijëri, sikur kthehem në familjen time, që është populli shqiptar.  Në radhë të parë, është hibridizimi sepse gruaja ime është franceze, ato janë pak si kam qenë unë, por ato kanë atë ndjenjën e thellë për Shqipërinë, është  shumë e këndshme që po transmetohet diçka.  Gjuhën nuk mund ta transmetoj, sepse nuk e di mirë, por transmetohet ndjenja, dëshira,  që e kam pasur gjithmonë, ndjesinë e përkatësisë, unë thosha gjithmonë, që kur isha i vogël, kur fillova kërcimin, jam shqiptar, prindërit e mi janë shqiptarë, këtë e kam pohuar gjithmonë me zë të lartë, nuk e kam fshehur kurrë, dhe këtë ua kam transmetuar edhe vajzave”, tha Preljocaj.


Lajmi kryesor:

Nga rrënjët shqiptare tek bota e baletit, Angjelin Preljocaj ndan kujtimet nga fëmijëria: Në lagje më tallnin se vishja geta! Prindërit s'ishin dakord, por unë doja të vallëzoja


M.T/KT/Shqiptarja.com
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Egnatia pranë historisë, Edlir Tetova: Duam trofeun

Egnatia pranë historisë, Edlir Tetova: Duam trofeun

26 Dhjetor, 10:18