Familjarët të shqetësuar për mos ardhjen në shtëpi të Zani Muratit Ervin Hidrit dhe Klaudio Shabanit kanë njoftuar policinë. Vetëm sot në mëngjes erdhi lajmi i mirë se 3 adoleshentët ishin shëndosh e mirë në qytetin e Tivarit të Malit të Zi. Sot në mëngjes policia e Lezhës konfirmoi se tre 15 vjeçarët, shokë janë gjetur në Tivar, të Malit të Zi rreth orës 05:00 të ditës së sotme.
AVENTURA E TRE ADOLESHENTËVE
Zani, Ervin dhe Klaudio kishin vendosur të vizitonin Malin e Zi. I kanë hipur një makine nga Miloti deri në Han të Hotit dhe më pas kanë kaluar përmes malit deri në Podgoricë. Prej andej kanë shkuar në Tivar, kur e kanë parë veten të humbur në mes të 4 rrugëve kanë vendosur të dorëzohen në polici.
IKËM ME DËSHIRË
Fëmijët kanë deklaruar në polici se ishin larguar nga shtëpia me dëshirën e tyre thjeshtë për një aventurë drejtë Malit të Zi. Pasi janë vetëdorëzuar në policinë e Tivarit dhe pas verifikimeve të rastit është bërë dhe transportimi i tre adoleshentëve për në pikën kufitare të Muriqanit. Atje janë pritur nga një grup hetimorë dhe familjarët e tyre.
Redaksia online
(sg/shqiptarja.com)
![](https://www.shqiptarja.com/template/img/sh_logo1.png)