POP 5

Lajmet më të lexuara të 5 minutave të fundit

Kronikë

Kurbin, ktheu lokalin në sallë lojërash fati, shpallet në kërkim 45-vjeçari, pjesë e grupit të Ervis Martinajt

Policia zbuloi një person që zhvillonte lojërat e fatit në kundërshtim me ligjin në një lokal në pronësi të tij në Mamurras. Artan Sula dyshohet të jetë anëtar i grupit të Ervis Martinajt.

Nëse është gjallë apo është vrarë nga grupet kundërshtare, policia e shtetit nuk ka thënë ende asnjë fjalë për fatin e Ervis Martinajt, ish-bosit të lojërave të fatit, një nga njerëzit më të kërkuar.

Por të konsideruar anëtarë të grupit të tij, vijojnë të dalin në skenë, siç ishte rasti i atentatit ndaj Fatjon Muratit, që fatkeqësisht i mori jetën aksidentalisht banakieres së lokalit, Mimoza Paja. Edhe pas kësaj ngjarje që la viktimë një të pafajshme, dyshohet se fshihet të paktën një ushtar i bandës së Ervis Martinajt, Nikoll Sherrniku, i cili është në duart e drejtësisë si personi që siguroi mjetet për atentatin, targa të vjedhura në Gjermani që dyshohet se u përdorën nga autorët në vrasje.

Një tjetër bashkëpunëtor i Ervis Martinaj bie në gjurmët e policisë, këtë radhë në Kurbin. Një operacion policor i koduar "Basti i fundit", zbuloi se në një lokal në katin e parë të një pallati në lagjen "Drita", zhvillohej aktiviteti i paligjshëm i lojërave të fatit. 45-vjeçari nga Mamurrasi Artan Sula që njihet edhe me emrin Jani Përskura, pronar i lokalit, u identifikua posedues i 8 kompjuterë që shërbenin për lojëra fati, dhe u shpall në kërkim. 

Ervis Martinaj u bë njeriu më i kërkuar pas dëshmisë së të penduarit të drejtësisë Nuredin Dumani, që rrëfeu se Martinaj i kishte ofruar 500 mijë euro, për eliminim e Endrit Dokles, numrit 2 të Bandës së Durrësit. Por teksa ndodhej në kërkim policor, ai humbi çdo kontakt edhe me familjarët e tij në gusht të vitit 2022, të cilët e deklaruan të zhdukur. Vetëm një muaj para zhdukjes, Martinajt i ekzekutuan në një atentat mafioz kushëririn në atë që u quajt Masakra e Fushë-Krujës, Brilant Martinaj ishte në mesin e 3 të vrarëve. As ky atentat nuk është zbardhur nga policia.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Genjen: 21/06/2023 09:52

    ni her ne 3 muj e fusin burg.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu